“Mag-usap muna kayong dalawa,” wika ni Emilia.
Hindi na nakakibo pa si Ellerie nang iwanan silang dalawa. Maging ang lolo at lola niya ay umalis din. Kasama nito ang ina ni Lorenzo at mukhang papunta sa palayan.
Tahimik lamang ang dalaga at nagmamasid sa binata. Hindi ito umiimik at kita niyang tila stress ito.
“M-May gusto po ba kayong inumin?” kinakabahang tanong niya rito.
Tiningnan naman siya nito nang mataman at inilingan.
“Why did you accept my mothers offer? Talaga bang sobrang desperada mo na? pagod na pagod ka na bang maging katulong?” tanong nito at tila gusto pa yata siyang insultuhin pa.
Tiningnan naman siya nang deritso ni Ellerie. Huminga nang malalim ang dalaga at iniwas ang tingin dito.
“Alam ko pong hindi niyo ako paniniwalaan. Pero mahalaga po sa ‘kin ang katotohan
