Nang makauwi na ang lolo at lola niya ay t’saka naman bumalik sa loob si Lorenzo para pormal na magpaalam dito. Nakahanda na rin ang bag ni Elle sa gilid. Isang bag pack lang naman ‘yon na may lamang mga damit niya.
“Alis na po kami, ‘La, ‘lo,” kalmadong sambit ni Lorenzo.
Kaagad na napakunot-noo naman ang dalaga. Hindi siya sanay sa kabaitan ng boses nito ngayon.
“Lorenzo, pakiingatan ang apo ko. Alam ko na marami kayong hindi pinagkakaunawaan, pero mabait itong apo ko. Huwag mo siyang sasaktan, dahil malambot ang puso niya. Alam kong hindi madali ang sitwasiyon niyo at naiintindihan namin ‘yon,” saad ng kaniyang lola.
“Way problema ya, basta indi lang maghibi si Elle pagpuli diri. Maghibi gani na, ha-it man akon pinuti kag garab diri, aw makatilaw ka gid sa waay mo pa natilawan,” nak
