الجزء الثالث

1543 Words

العمة اول م فكرية وقعت من طولها اتخضت : يامصيبتي البت هتموت ولا ايه فوقي ياوش الفقر انتى هتموتي قبل ما نتغني قومي الاب: فوقيها ياختى دى تلاقيها بتتسلبط بس مين ورحمة ابويا هبعتها للراجل حتى لو على نقالة اومال الواحد بيخلف ليه خرج ابراهيم من الحمام شاف فكرية واقعه ع الارض جرى عليها ابراهيم: فكرية مالك انتى نايمة كده ليه اصحي ردى عليا الاب: صحيها يابغل قولها لو مصحيتيش ابويا هيرميني في الشارع ابراهيم بيعيط ومش سامع او عامل مش سامع كلام ابوه: فكرية قومى علشان خاطري انتى عيانة انا هروح اجيبلك دوا بس اصحي انا خايف اصحي علشان خاطر ربنا جابت العمة بصل وشممته ل فكرية اللي فتحت عنيها المليانة دموع اول ابراهيم ما شافها بتفتح عنيها حضنها وهما الاتنين عيطوا في حضن بعض الاب: اتكاهنى ياختي اتكاهنى مش هتفلتي من ايدي انتى اوعى تفكري شغل الصعبنيات ده هيخيل عليا اجهزى كده قدامك ٣ تيام واجي اخدك للراجل النكد والغم اللي على سحنتك ده الراجل ميشوفهوش مشي امورك يافكرية علشان لو عرفت انك زعلتي الراجل هرميلك اخوكي في الشارع ومش هتعرفيله طريق فكرية علشان امدخلتش مدارس ومتعلمتش حاولت تقنع نفسها ان اكيد هي مش فاهمة : يابا معلش والنبي علشان انا جاهلة مخى على ادى انت عايزنى اشتغل عنده خدامة صح اخدمه انضف واغسل واطبخ اعمل كل شل البيت صح قول صح يابا لاجل النبي الاب: صح ياروح امك صح كل ده هتعمليه وغير كل ده هتعملي اللي يطلبه منك عايزك تبقي في البيت عنده شبه عروسة المولد عارفة عروسة المولد بتبقى عامله ازاي عايزك زيها ..وشك ده تدهنيه احمر واخضر كده وهو هيديني فلوس اجيبلك كام هدمة عرايس كده ياكش ينضفوكى فكرية: عرايس...هو هيتجوزني العمة: شوف البت ولؤمها ..هيتجوزك على خيبة ايه ياختي الراجل بس مزاجه نضيف ..عايز اللي تبقي بتخدمه في بيته شكلها بيلمع كده علشان بيق*ف من الاشكال اللي بمنظرك ده وبعدين ماتفتحي كده ماهى اختك سمعت الكلام اهي وراحت تقلب عيشها خليكي ناصحة زيها فكرية بعياط: ياعمتى م انا راضية اشتغل خدامة زى احلام مش هقول لاء بس خدامة وبس انا لا هعمل حاجة غلط ولا حرام والنبي ياعمتى انتي ترضيها لبناتك العمة: اخرسي بناتي ايه اللي هتجيبي نفسك ليهم يابت العايبة هو انا كنت رميتهم ولا سيبتهم وروحت اتحضنت ب راجل غير ابوهم علشان ارضى ليهم الشقا ياختي روحي ياختي اتشطري على امك اللي رضيت عليكم الشقا ده فكرية: ياعمتى ده انا دمك ده انا اسمي على اسمك انتي مش على اسم امي انا عاري يوجعك ويوجع ابويا لأني عرضكم وشرفكم انا شايلة اسمكم انتم الاب: ماتتكتمى بقى يابت انتى جايبة كتر الكلام ده منين يلا انا قولتلك اللي عندى وجه الكلام لأخته: وانتي ياختي روقيها كده ونضفيها هاجى اخدها لما الراجل يقولي عايزها بتلمع مشي الاب وشمتت اكتر العمة واتقهرت فكرية اللي استخبت جوة حضن اخوها وعيطت لدرجة انها كانت بتتمنى قلبها يقف وتموت قبل م اليوم ده ييجي ابراهيم: فكرية هو انتى هتسيبيني وتمشي ... ابوكي قاللي هيرميني في الشارع فكرية بتعيط ابراهيم: طيب هو لو رماني في الشارع اروح فين انا بخاف ومعرفش حد غيرك ..خلاص لو رماني هقول للاسطى ينيمني في الورشة ..وانتى كمان تيجي معاية انا مش هسيبك لواحدك. بس لا متهونيش عليا دى بتبقى ساقعه اوى الورشة هتصعبي عليا فكرية حسيت بحنية اخوها : متخافش ياحبيبي ولا هسيبك ولا هتسيبني انا هاخدك معايه مكان ماهروح ابراهيم: لو ابوكى مزعلك كلمى يوسف ياخدنا عنده فكرية: لسه ياابراهيم مبعتليش عنوانه ولا اختك احلام كمان وبعدين هنروح فين دى بلاد تانيه وورق ومواويل احنا منفهمش فيها ..متخافش انا جنبك مش هسيبك ربنا يدبرلنا امورنا هو عالم بينا بقى..انا هقوم احطلك تاكل حضنها ابراهيم وطبطب عليها وفعلا اتعشى ونام وهي فضلت صاحية قاعدة بتفكر في اللي جاي جه النهار ويوسف في شغله والعامل اللي مش بييجي بيشيل هو الشغل بتاعه علشان اليومية بتاعته تزيد وكان ل**نه حلو مع كل الناس ولأنه طيب ومحترم كانت كل الناس اللي بتتعامل معاه بتحبه وده مهون عليه الغربة شواية وعند احلام اللي صحوها زمايلها علشان تفطر معاهم قبل مايروحوا لشغلهم هدى: صباح الفل يا احلام كل ده نوم ناهد: شكلك مكنتيش بتنامى في مصر احلام: صباح الخير..اه والله كنت جعانة نوم انا بقالي كتير اوى منمتش على مرتبة ناهد بشهقة: مبتناميش على مرتبة اومال بتنامى على ايه اكيد مش ع الارض يعني احلام بضحكة استهزاء: ليه يعني اكيد مش ع الارض اه كنت بنام ع الارض عادى على الحصيرة كمان وفي الصيف لما عمتى كانت بتشيل فرش الارض علشان الحر كنت بنام ع البلاط ..اتعودت ناهد: هو بجد اللي انتى بتحكيه ده يااحلام احلام: اه والله بجد هكدب عليكم ليه ..هو انا بصراحة فاكرة انى كنت بنام بس اول مرة اعرف يعني ايه انام مرتاحة على المرتبة الحلوة دى ههههههه اهى هليت بشاير السفر ناهد واحلام حسوا ب ان احلام لها قصة مأساوية قالت ناهد: لا ده احنا لنا قاعدة مع بعض بقى علشان تحكيلنا حكايتك يلا نفطر علشان منتأخرش على شغلنا احلام: فطار هههههه يلا انا جعانه تسلم ايد*كم انتم هنا من زمان.. هدى: انا بقالي ٥ سنين ناهد: وانا بقالي ٧ سنين ونص احلام وهي بتاكل: ياااااه كل ده ومزهقتوش ناهد: نزهق من ايه كده كده هنا شغل وفي بلدنا شغل لكن تفرق هنا مهيتك احسن والناس بتتعامل معاكى على انك واحدة من اهل البيت بيحترموكى لكن عندنا بتخدمى في بيت يعني يعاملوكى كأنك من العبيد يسخروكى ب ال كام جنيه اللي بيدفعوهملك في الشهر احلام: يعني ارتاحتو هنا اكتر وانتم بعيد عن اهلكم هدى: احنا مرتاحين واهلنا مرتاحين كمان ماهو برضو المهية بتفرق معاهم دخلت اخواتى مدارس وامى حوشت وجابت حتة ارض صغيرة كمان ناهد: بكرة لما تمسكي قرش كويس وتلبسي هدمة نضيفة هتحسي انك لما تنزلي بلدك ل اهلك انك هانم من الهوانم اللي هناك المهم يااحلام حافظى على نفسك لأن برضو زى م فيه ناس محترمة وادميين هتلاقي كمان اللي يحاول يزغلل عنيكي وهنا الرجالة حلوة اوى ونزيهة متخليش حاجة تلعب بدماغك والسكة اللي هتحطيها لنفسك من اول يوم ليكي هتلاقي نفسك ماشية عليها طول م انتى عايشة هنا احلام ب ابتسامة: ربنا يخليكم انتم مش عارفين انا فرحانة اد ايه ب انى مع ناس زيكم هنا كنت خايفة اوى ربنا يستركم ويدوم بينا الخير يارب هدى : يلا هنسيبك بقى ونتكلم لما نرجع بليل مشوا ناهد وهدى وقامت احلام لمت مكان الاكل ونضفت الاوضة وجهزت نفسها لحد ما وصلت الموظفة اللي هتوصلها للبيت اللي هتشتغل فيه وصلت فعلا واخدتها وراحت للبيت اللي كان شبه القصر قبل ماتوصل الموظفة باللغه بتاعت بلدهم: احلام خليكي مؤدبة ومطيعة ونضيفة وامينة هيتعاملوا معاكي انك من اهل البيت عينك ماتروحش ل اي حاجة محدش سمحلك بيها حذارى تطمعى في حاجة مش بتاعتك اي تصرف مش مظبوط منك يضايقهم ممكن بسببه تترحلي من البلد او حتى يدخلوكى السجن هنا لو حكم الامر خلي بالك واوعي اوووعى تستهونى ب اي حركة او كلمة او تصرف واللي يطلب منك في حدود الادب نفذيه ..غير كده او لقيتي ان الطلب يتخطى الادب والاصول ارجعي ل استاذ رائف هو هيتصرف احلام ب راحة :حاضر الموظفه: شكلك مبسوطة احلام: طبعا..لما تطلبي مني انفذ اللي يطلب مني في حدود الادب والاصول لازم اتبسط ...هشتغل واخد اجرة علشان هنفذ الادب والاصول ..انتى مش عارفة دى حاجة ليها قيمة عندى ازاي ده الواحد كان بيتذل ويتهان ومأمور يقبل كل اللي يعدي الادب والاصول..الحمد لله يارب الحمد لله ياما انت كريم ابتسمت الموظفه لكن محاولتش تدخل نفسها في خصوصيات احلام لأنه مش شغلها ودخلت احلام البيت(القصر): موهومة ب كل قشاية شايفاها قدامها ونزلتلها ست البيت الهااااانم اللي كانت زى القمر وقابلت الموظفه واحلام بمنتهى الذوق والترحيب باللغة الفرنسية في البداية ولما حسيت ان احلام مش فاهمة ابتديت تتكلم باللغة بتاعت بلدها: اهلا بيكي نورتي بلدنا المتواضعة احلام بخجل: اهلا بحضرتك..دى بلدكم جميله اوى ..وحضرتك كمان جميلة اوي ابتسمت الهانم : شكرا احلام بصي هفهمك شواية حاجات بس اعرف منك الاول حابة تكونى مستديمة في البيت ولا هتروحي كل يوم احلام:يعني ايه مستديمة الموظفه: يعني تقيمي هنا اقامة كامله ..تباتي هنا يعني احلام:لا هروح واجي الهانم ب ابتسامة: اللي يريحك ووقت ماتقرري ليكي مكانك هنا شوفي ي احلام انا مدام غِنا وجوزى حاليا مسافر اسمه الباشمهندس وديع واولادى (محمد و راجي)متقلقيش هما مسالمين جدا بيحبوا المقالب والتهريج شواية لكن مش هيزعلوكى خالص هما مؤدبين انتى هنا مش لواحدك انتى هتكوني مسؤلة عن الاكل وبس فيه حد مسؤل عن النضافة وعن الغسيل وعن الجنينة ..يعني كل حاجة لها حد مسؤل عنها وهعرفك الاكلات اللي بنحبها علشان تتعلميها بسرعة ومتقلقيش لحد ماتتعلمي اللي هتعلمك هى اللي هتعمل الاكل هى هتسيب الشغل علشان هتتجوز لكن هتفضل موجودة معاكى اسبوع لحد ما تتعلمي اهم حاجة النضافة النضافة يااحلام سمعت احلام كل كلام غنا وهزيت راسها بالموافقة على كل اللي اتقال وقررت الموظفه انها تمشي بعد ماسمحتلها غنا وشكرتها مشيت الموظفة وكملت غنا كلام مع احلام: شوفي احلام بيتنا مفيش كلمة او حرف تخرج منه ل اي حد ...راتبك اللي رائف هياخده ليكي مني انا زيه مرة كمان هدومك واكلك واحتياجاتك ايا كانت هكون مسؤلة عنها بعيد عن رائف بلاش تعرفيه علشان ميخ**ش حاجة من الراتب اللي هيدفعهولك وكل ما هتكونى مطيعة ومش عاملة مشاكل هتلاقي البيت ده بيتك المهم الاولاد متتخطيش معاهم اي حدود معاهم ايا كان هزارهم احلام طايرة من الفرحة بالكلام: متقلقيش ياهانم والله ولا نص حرف ممكن احكيه وولاد حضرتك في عنيا انا عندى اخويا ابراهيم الصغير بيهزر معاية هزار قرود مش هزار بني ادمين متعودة يعني غنا بضحك:قرود ههههههه لا يااحلام اولادى تخطوا مرحلة القرود دول اسدين هعرفك عليهم بس يوصلوا احلام: لا ياهانم متأخذنيش والله والله مش قصدي ان البهوات قرود اقصد اني متعودة على هزار الاطفال الغشيمة يعني...يوه عليا انا كلامى كله زفت كده معلش حقك عليا غنا: خلاص احلام ضحكتيني كتير كفاية تشبيهات علشان لما تشوفيهم هتندمى على مقارنتهم ب الاطفال يلا اعرفك على المكان

Free reading for new users

Scan code to download app

App Store Google Play

Facebookexpand_more