Nasa may veranda ako ngayon dito sa second floor ng aming bahay. Nagmumuni-muni. Hindi kasi ako makatulog sa mga bagay bagay na nangyayari sa akin at sa aming buhay.
Pinipilit kong maging matapang pero ang totoo ay nangangamba ako na baka malapit nang mabunyag ang aking lihim.
Ayon sa balitang napanood ko kanina sa TV ay may dalawang magkaibang klase ng dugo ang nakita sa suot ng biktima na si Rambo.
Bukod sa dugo ni Rambo na kompirmado na, ay inaalam na sa ngayon ng mga kinauukulan kong sino nga ba ang nagmamay-ari ng ikalawang klase ng dugong kanilang natuklasan.
Ang sabi sa balita ay malapit na daw matunton ang kasagutan sa himalang nangyari sa buhay ni Rambo. Ang taong ga-sinulid na lamang ang pag-asang mabubuhay ngunit nabuhay na parang walang nangyari.
Maraming mga ekspert
