Kabanata 24
K I M
“Huh? Magkasama kayo?”
Sabay kaming napalingon ni Ethan sa mag-asawang Walcott. May nanunuyang ngisi sa mga labi ni Zachary habang si Yakira naman ay takang-takang nakatingin sa amin ni Ethan. Binaliwala ko ang tanong ni Yakira. Tumayo ako mula sa sun lounger at agad na kumapit sa braso niya.
“Tara swimming na tayo,” yaya ko sabay hila na kay Yakira sa dagat.
Naalala ko noon, hindi rin siya marunong lumangoy tulad ko pero natuto din naman kalaunan. Matalim kong tinitigan si Ethan bago kami tuluyang makalayo sa kanilang dalawa ni Walcott. May halong pagbabanta ang tingin ko sa kanya kung sakaling magkwento siya sa Walcott na iyon. Mabuti at sa kanya nakatingin ang nakangising si Zachary kaya hindi niya nakita ang nagbabantang sulyap ko sa kaibigan niya.
“Ginugulo k
