Kabanata 29
K I M
“Pwede ba, tigilan niyo nga ang pang-aasar sa dalawa,” ani Louise sa tabi ko habang nakahilig ang ulo sa balikat ni Edward.
“Kaya nga. Ano ba ang nasa isip niyo at tinutukso niyo ang dalawa? Kita niyong hindi na nga magkasundo, pinapares niyo pa sa isat-isa,” naiiling na sabi naman ni Liah.
Buti na lang talaga at napaka-supportive ng mga ito sa akin. Kung sa bagay, imposible naman talaga para sa kanilang maging kami ni Ethan, dahil sila ang pinaka nakakaalam kung gaano ko kasuklaman si Ethan noon. Madalas kong nasasabi sa kanila noon kung gaano ko kaayaw sa lalaking ito, kaya imposible talagang maniwala silang may nangyayaring iba sa pagitan naming dalawa.
Ilang taon ko ba naman silang pinaniwalang galit at ayaw ko kay Ethan, talagang hindi na ‘yan mag-iisip ng kung
