Kabanata 22
K I M
Nang umakyat kami sa mga sarili naming kwarto ay naroon na ang mga gamit namin. Pina-akyat na siguro nina Louise habang nag-uusap-usap kami kanina. Hindi naman na ako kinulit ni Ethan pagkatapos ng huli naming pag-uusap na iyon. Mabuti na lang at hindi na nagtanong sina Yakira kung ano ang pinag-uusapan namin ni Ethan. Dahil kung magtatanong sila, hindi ko talaga alam ang isasagot ko.
Hindi ko naman kayang sabihin na nagtatalo kami kasi gusto niyang baguhin ko ang pakikitungo ko sa kanya. Tapos gusto pa ng gago na ako ang tumulong sa kanya para makalimutan ang ex niya. Paano ko gagawin ‘yon? Baka matulungan ko nga siyang makalimutan si Kristine pero paano naman ako? Ano na ang mangyayari sa akin? Eh di, mas lalo na akong nakulong sa nararamdaman ko sa kanya? Matutulung
