Hapon na nang mapagpasyahan ni Phillip na maglakad-lakad matapos na mag-ubos ng oras sa pagbabasa ng mga files tungkol sa kinasasangkutan ng ama.
Kahit abala ay di maitatanggi na laman ng isipan ni Phillip si Valerie at ang kakaiba nilang pag-uusap kahapon. Di niya mawari ang nararamdaman na inis at kagaanan ng loob rito.
“IBALIK NIYO ANG BAG KO!”
Natigilan sa paglalakad si Phillip nang makarinig ng isang malakas na sigaw at takot na tunog ng boses ng isang batang babae.
Mabilis niyang sinipat ang buong paligid at sa isang eskinita na ilang dipa lang ang layo sa kaniyang kinatatayuan ay kita niya si Fara na nakasandal sa pader at pilit na pinipigilan ang sariling umiyak habang hawak ng ilang grupo ng mga lalaki ang bag.
Agad na tumakbo si Phillip papalapit sa eskinita at hinablot ang
