Umigting ang panga ni Tinio. Napaismid pa siya na parang wala siyang pinaniwalaan sa kahit na anong sinabi ko. Dapat ba akong mainis dahil akala niya’y nagbibiro ako? Nasisiguro kong hindi ako nagdadalawang isip sa pasya ko at wala na akong balak pa upang bawiin iyon.
Tingin niya, patay na patay pa rin ako sa half brother niya. When in fact, unti-unti nang nalalagas ang paghanga ko roon. In love man siguro ako sa pagmumukha ni Trio ngunit sa mundong puno ng mapaglinlang at mandaraya—iilan na lang ang seryoso at matino na handang patunayang totoo at puro ang intensyon. Tingin niya isisiksik ko pa ang sarili ko sa taong kagaya no’n?
Hindi.
“You’re kidding…” iiling-iling niyang wika nang bahagyang nakayuko sa akin. Ikinumpas niya ang brasong hindi nababalutan ng bandage. “Si Trio? Susukuan
