Lunes. Matamlay na umupo si Hiraya sa sariling silya at nagpalumbaba sa mesa. Nakatulala siya sa harap-- doon sa lumang pisara. Lumipas ang mga araw na wala siyang nakamit kaya naman nanghihinayang siya sa mga oras na nasayang. Gayuman, nagkaroon siya ng pagkakataon na pagpahingahin ang katawan ni Aya.
Lumingon siya sa bakanteng upuan. Iniisip niya kung ano na kaya ang nangyari kay Kenjie pagkatapos ng house-visit ng kanyang Lola Dalisay.
"Aya." Lumingon siya sa likod nang tawagin siya ni Oscar. Mukhang kararating lang din ng binatilyo. "May homework ka na ba sa Science?"
"Homework? May homework ba tayo?" wala sa sarili niyang tugon.
"Oo. Nakalimutan mo na naman, ano?" anito, "Ito oh, kopyahin mo na lang ang sa akin." Inabot nito ang hawak na kuwaderno.
"Thanks." Ngumiti si Hiraya.
H
