Napapayag din ni Hiraya ang kapatid na ihatid siya sa kinaroroonan ng matanda. Sakay ng motorsiklo, binaybay nilang magkapatid ang madilim na daan patungo sa tahanan ng kanilang Lola Dalisay. Ang tanging pumapawi ng dilim sa landas ay ang mga poste ng ilaw, ang liwanag ng trapiko, at mga sasakyan. Mabilis lamang ang naging biyahe at maya't maya pa'y nakarating na rin sila sa simpleng tahanan.
Nagpreno si Loti sa tapat ng bahay. Sabay nilang tinanggal ang helmet na nakasuot sa kanilang ulo. Bumaba si Hiraya sa sasakyan, inabot kay Loti ang helmet at lumapit sa harap ng gate.
"Gising pa kaya si Lola nang ganitong oras?" tanong ni Hiraya sa sarili na narinig ni Loti.
"Sabi ko naman sa 'yo, bukas ka na lang dumalaw. Baka nagpapahinga na 'yon. Pagod pa si Lola. Buong maghapon siyang nagtra
