Bumuka ang bibig niya dahil sa labis na pagkabigla. Nakanganga siyang lumingon sa ina na kumakain ng popcorn sa sala habang nanonood ng TV. Matapos ang mahabang araw, pagkauwi ni Hiraya sa tahanan, inuna niyang kausapin ang ina tungkol sa pinag-usapan nila ng kanyang Lola Dalisay.
"S-Sinabi n'yo rin sa kanya ang tungkol kay Kenjie?"
"Oo. Sinabi kong inaabuso siya sa bahay. Nangako si Ma'am Dalisay na magha-house visit kay Kenjie bukas."
Halos maluwa ang mata niya dahil sa pagkabigla. Hindi niya inaasahan na iyon ang napagkasunduan ng mga matatanda. At muling napaisip si Hiraya. "Kung pupunta si Lola Dalisay doon, siguradong magtataka si Kenjie kung paano nalaman ni Lola. Manghihinala si Kenjie at kapag nangyari 'yon, malalaman niya na ako ang dahilan at baka lumayo ang loob niya sa 'kin
