Hindi maipaliwanag ang nararamdaman ni Dani ng mga sandaling iyon. Nananabik siyang makita ang buong pamilya, masaya siya na makakasama niya ang mga ito ng araw na 'yon, ngunit hindi mawawaglit sa kanya ang alihan ng kaba sa muling pagkikita nila ng ina. Hindi niya alam kung ano na ang hitsura nito at kung ano ang ire-react niya sa oras na makaharap niya ito.
'Ano pa ang hinihintay mo, Dani? Ilang hakbang na lang, bahay mo na,'
Kaylakas ng kabog ng dibdib niya, ganoon pala ang pakiramdam ng mga kaanak na uuwi sa kanilang mahal sa buhay. Para kang lalagnatin na ewan. Nangiginig rin ang bawat himaymay ng kanyang katawan at parang tinutusok ng sandamakmak na karayom ang kanyang talampakan. Pagbukas niya pa lang ng kahoy na tarangkahan ay nakita niya ang ama na nakahubad baro habang nagpapak
