Mabilis naman siyang tumango rito. "Oo meds, pasensiya ka na at anniversary na anniversary natin pero kailangan kitang iwan."
Mabilis naman na ngumiti sa kan'ya ang nobyo at hinawakan ang isang kamay niya. "Huwag mo ng isipin iyon, alam ko kung gaano mo kamahal ang tatay mo and I understand. Pinapayagan kitang magmahal ng ibang lalaki, pero ang tatay mo lang, ha?" ngiti nito sa kan'ya.
Bigla naman siyang napangiti rito pagkatapos ay mabilis niya itong niyakap. "Thank you, meds. Napakaswerte ko talaga sa iyo."
Ilang sandali pa ay mabilis na rin siyang bumaba sa may sasakyan nito at pinuntahan ang ama. Nang ganap itong makita ay nahabag siya sa itsura nito. Magulo ang buhok nito at kitang-kita ang pamamaga ng mga mata nito. Nakahiga na ito sa may mahabang kawayang upuan doon at nakapikit
