Alas siyete na ng umaga nang ang pinto ay bumukas. Nakita ko si Leon na dala nito ang tray ng aking pagkain.
Itlog na maalat, kamatis, tuyo at sinangag. Medyo naglaway ako sa amoy ko pa lamang ng tuyo. Nilagay niya ang tray sa may tokador saka niya inalis ang pagkatali sa kamay ko.
"Ngayon ba ang dating nang sinasabi ninyong boss?" ang tanong ko kay Leon na parang nag-iisip.
"Hindi ko alam, dahil mayroon pa siyang inaasikaso. Kumain ka na at 'wag ka na sanang matanong pa. Pagkatapos ay magdadala ako ng telebisyon para mayroon ka rito na mapanood." Tumayo siya at habang nagsasalita ay tumingin sa akin.
"Kukuha muna ako ng tubig mo at huwag ka nang magtatangka pa na tumakas. Marami ang mga bantay sa ibaba kung gusto mo pa mabuhay!" dagdag nitong turan sa akin bago tumalikod.
Napatingin
