Kulang nalang ay ibalibag ni Elyan ang hawak niyang libro dahil sa nararamdaman niyang inis sa mga sandaling iyon. Hindi siya makapaniwala na nagawa siyang paghinalaan ng kanyang nobyo.
Ngayon, ang kaninang lubos niyang iniiwasan ay nangyari na nga.
Tuluyan na ngang nagsimula ang kanilang unang pag-aaway.
Napasampal siya sa magkabilang pisngi niya matapos niyang maupo sa pwestong napili niya sa library. Maya-maya ay nagbaling siya ng tingin sa dalawang binatang nagbigay sa kanya ng bulaklak na nasa kabilang table.
Naningkit ang mga mata niyang tumitig sa kanila habang ang mga ito naman ay tila ba hindi siya pansin.
Tumayo siya sa kanyang pwesto at tinungo ang mga ito. Bahagya pang nagulat ang mga ito nang makita nila siyang nakatayo sa kanilang harapan.
"Elyan..." anas ng isa n
