Professor Yugi's POV
Nabulabog ako sa pagmumuni-muni ko nang marinig ko ang pagsara ng pinto ng banyo ni Elyan. Lumabas siya mula roon habang nakatapis lamang siya ng twalya. Binalingan niya ako ng tingin at bahagyang napangiti. I did the same thing.
Matapos niyon ay umupo siya sa gilid ng kama habang panay ang punas niya sa basa niyang buhok. Sa kabilang banda naman ay nanatili pa rin akong nakaupo sa kama habang nakasandal sa headboard.
Hindi ko pa rin magawang maalis sa isip ko ang nalaman kong impormasyon mula sa kanya kahapon.
She has a twin.
Kagabi pa ako hindi mapakali tungkol sa sinabi niyang iyon. Maaaring tama siya at iyon nga ang nakausap ko limang taon na ang nakakalipas. Pero ang ipinagtataka ko lang ay kung bakit nang tawagin namin siya sa pangalang Elyan ay hindi ma
