Chapter 45
*Rachel*
Saktong pagbaba namin sa kusina ay naroon sina Robert at Romeo. Nandoon din si Liam at si William. Kung titignan ay parang father and son ngayong araw. Ang mga bata ay kasama nila ang daddy nilang kamukhang-kamukha nila. Parang dobleng Robert at dobleng Liam. Natawa tuloy ako sa inisip.
Nang magtama ang mga mata namin ni Robert ay bigla na lang akong kinabahan. Kaba na hindi ko alam kung para saan. Ang titig niya sa akin, para bang pati kaluluwa ko ay kakabahan din. Ako na ang unang nag-iwas ng tingin dahil nakakapaso. Lalo na at magkatabi pa kaming natulog kagabi. Parang iyon din kasi ang pinapahiwatig ng mga tingin niya.
Tama nga si Melissa, nanghiram siya ng damit dahil nakadamit na siya ngayon. Huminto na rin ang ulan pero makulimlim pa rin sa labas. Uuwi na kay
