Chapter 39
*Rachel*
G-Corp. Iyon ang nakasaad na kumpaniyang pinagtatrabahuan niya. Kumpanya ito ng mga Gomez. Saang G-Corp kaya siya? Kay Rafael? Kay Jason? Tinignan ko ang address na nakasulat sa baba. Ito ang main ng G-Corp.
“Anong trabaho niya do’n?” Tanong ko kay Zack. Lumabas kami saglit para dito mag-usap.
“He’s the president,” sagot niya kaya nagulat ako. Hindi ko inaasahan na ang taas na ng narating niya. Well, good for him. Malayo ang narating niya. Siguradong maayos na rin ang buhay ng pamilya niya. Hindi na siguro sila doon nakatira.
Nilingon ko si Zack. “Thank you,” nakangiting wika ko. Tumango naman siya.
“Wala ‘yon,” saad naman niya.
Pagkatapos ng saglit na pag-uusap ay bumalik uli kami sa loob. Nilapitan ko si Melissa. Bigla naman niya akong hinila papuntang kusina.
