كيرفي( مكتمله)

5

#كيرفي

بارت٥

?سبحان الله وبحمده .. سبحان الله العظيم?

الامتحانات ابتدت .. والكل مشغول بالمزاكره .. وقت المحاضره النهائيه مصطفي شاف سجده كان غير كل مره لانه كان حزين عشان مش هيشوفها لفتره .. بعد اما خلصو المحاضره .

كانت سجده وشروق واقفين بيتكلمو.

مصطفي وعاطف سلمو عليهم .

مصطفي : سجده خدي الجواب ده خلي معاكي. بس اوعديني متفتحوهش غير بعد اما تخلصي امتحانات

سجده : جواب ايه ده

مصطفي: اما تقريه هتعرفي

سجده بصت لشروق ومش عارفه تاخده وله لا

مصطفي : مش عايزه تاخدي

سجده : لا

مصطفي ابتسم : خلاص . براحتك انا مش هضغط عليكي.

ايه اخبار الامتحانات معاكي

سجده : كويسه وانت

مصطفي: الحمد لله .

عاطف : شروق عامله ايه

شروق : الحمد لله.

مصطفي مشي مع عاطف. بعد اما وصل سجده زي كل مره

مصطفي: خد الجواب ده واديه لسجده او شروق بعد اما اسافر

عاطف : انت هتسافر امتي

مصطفي : بعد النتيجه

عاطف: محاولتش مع امك تاني

مصطفي : حاولت ومفيش فايده. . بس انا هتصل بيك ع طول ونتكلم ع النت. ابق خلي بالك من سجده وانا مش هنا وهرجع قريب

عاطف حضنه : ان شاء الله متسفرش وتقعد معانا

مصطفي: يارب

روح مصطفي بيته .. وعاطف . وسجده كانت ندمانه انها مخدتش الجواب من مصطفي بس خافت تاخده منه . حاست انه في حاجه هتبعدهم او هتفرقهم عن بعض.

عدت الايام والامتحانات خلصت. ومصطفي كان قلقان والنتيجه طلعت ونجحو

ام مصطفي: جهز شنطتك عشان هنسافر لباباك بكره

مصطفي: ماما خلينا هنا واوعدك مش هعمل مشاكل تاني

ام مصطفي: مش هينفع . ابوك كمان محتاجنا هناك معاه. واختك اتجوزت ومفيش غيري انا وانت .

مصطفي : هنزل اسلم علي اصحابي.

ام مصطفي: ماشي متتاخرش

مصطفي راح لعاطف وسلم عليه وقعد معاه وقت طويل وبعدين ودعه وبدل اما يرجع البيت لاقي نفسه قدام بيت سجده .. كان نفسه يشوفها فضل واقف كتير تحت البيت بس للاسف مشفهاش.

رجع بيته وجهز الشنط وسافر تاني يوم هو ومامته لابوه .

عاطف وشروق وسجده قدمو للكليه . واتفرقو كل واحد في كليه شكل

مصطفي كل فتره كان بيتصل يطمن علي عاطف ويسال علي سجده . بس عاطف قاله انه مش بيشوفهم

وتمر السنين .. ويكبرو كلهم

عوده للواقع ??

?تجلس فتاه جميله محجبه جسمها كيرفي بشكل جميل .. ترتدي فستان اسود به نقط بيضا وحجاب ابيض بنقط سودا بشرتها قمحاويه ... طولها مناسب لجسدها .

?الباب يدق ?

هي: ادخل.

دخلت فتاه بيضا طويله محجبه .: سجده قولي العريس اللي جالي امبارح كان مين

سجده : امممم . معرفش. كان مين ياشروق ؟

شروق: عاطف

سجده : عاطف مين

شروق : يابت عاطف اللي كان زميلنا في ثانوي صاحب مصطفي .

اطلقت سجده ضحكه رنانه لتتذكر ماضيها ..

شروق : طلع صاحب جوز اختي. وجوز اختي كان بيعمل واجب معايا

سجده : بس شكلك فرحانه

شروق : انا صليت استخاره وحاسه اني مطمنه . تعرفي شكله اتغير بقي طويل وعريض شكله اختلف عن الاول .. بس دمه لسه زي ماهو شربات هلكني ضحك امبارح واحنا قاعدين

سجده وهي بتتحرك بالكرسي : نقول مب**ك

شروق: انا موافقه. لسه معرفش رايه .

سجده : هيوافق. اصلا كان معجب بيكي

شروق: لا

سجده : كان باين عليه

شروق: محستش بحاجه زي دي

سجده : انا حسيت. .

تليفون سجده وكانت مامتها

سجده : الو ياماما

ام سجده : مجتيش ليه انتي مش عارفه ان في ناس جايلنا انهارده

سجده : يا ماما بس

ام سجده : نص ساعه تكوني قدامي.

سجده : حاضر

قفلت سجده مع مامتها .. شروق : مالك

سجده : جايلي عتريس

شروق: ??عتريس .

سجده : انا زهقت قولتلها انا مش عايزه ارتبط حاليا. وموال كل مره هيشتغل ده بنت طنط مش عارفه عندها عيلين وقدك. وبنت زفتات اتجوزت

شروق: انتي مش هتغلبي . لو معجبكييش . اعملي معاه الصح

سجده : انا هقوم عشان الحاجه متعملش معايا الصح

شروق : خلي بالك من نفسك وكلميني.

سجده : حاضر

قامت سجده وخدت تا**ي ورجعت البيت كانت مامتها قاعده منتظرها

سجده : انا جيت .

ام سجده : يلا علي اوضتك خدي دش والبسي فستان حلو كده

سجده : طب اكل الاول

ام سجده : لا

سجده : بقيتي أسيا اوي يا سوسن

ام سجده : اخرسي

سجده : خرست اهو.

دخلت سجده خدت دش وغيرت و قعده في اوضتها منتظره ام مامتها تنادي عليها و قفت في الشباك وهي بتفتكر كلام شروق عن عاطف وافتكرت مصطفي وابتمست. زمانها متجوز او مرتبط.

مامتها نادت عليها وخرجت شافت العريس و مامته قاعده جنبه بتبصلها من فوق لتحت

ام العريس : تعالي يا حبيبتي. .اقعدي جنبي

سجده بابتسامه ساخره :حاضر

ام العريس : انا ابني صلاح راجل وميت بنت تتمناه. بس هو قالي اخترلي انتي يا ماما

سجده بتشتم في سرها : شكله ابن امه

صلاح : ماما.

ام صلاح : عيون ماما يا حبيبي .

صلاح قالها حاجه في ودنها وهي هزت دماغها

ام صلاح : بصي يا حبيبتي ابني صلاح دكتور صيدلي. وراجل زي ما انتي شايفه كده. هيسكن معايا في الشقه . .

سجده : تمام

ام صلاح : انتي جسمك حلو اوي. بس صلاح مش بيحب التخن

سجده : واما ابوصلاح مش بيحب التخان جاين ليه يا حاجه. بصي انا بحب جسمي كده وعاجبني. وصلاح ننوس عين امه يخبط دماغه في الحيطه

ام سجده : يا قليله الادب.

سجده ضحكت : يا ماما

ام سجده : اخرسي. وادخلي اوضتك

سجده : اتشرفت بيكي يا طنط. وانت كمان يا صلاح. سعيده

دخلت اوضتها وهي بتضحك ومامتها اعتذرت للناس ومشبو ودخلت تتخانق معاها

ام سجده : انتي هترفضي لامتي العرسان. هتعنسي.

سجده : هعنس. ايه. انا عندي ٢٥سنه.

ام سجده : يا بنتي انا عايزه افرح بيكي

سجده : يا ماما ماهو مش عاجبه جسمي . اعمل ايه . لسه مجاش نصيبي .ادعيلي

ام سجده : بدعيلك يا بنتي . ربنا يرزقك بابن الحلال اللي يفرح قلبك انتي وكل اللي زيك

سجده : امين يارب. بس هو ده اللي محتاجاه دعوتك الحلوه دي

ام سجده بصتلها وخرجت . وسجده غيرت هدومها وطلعت كلت مع مامتها ودخلت تنام