KINABUKASAN ay maagang pumasok si Kaye. Pinipigilan siya ni Yaya Aura na pumasok. Pero sinabi niyang kailangan na niyang mag-report sa kanyang trabaho dahil tatlong araw na siyang hindi pumapasok. Pinayagan siya nitong umalis sa kondisyong uuwi din siya pagkatapos niyang asikasuhin ang mga papeles niya.
Dinala niya ang kanyang medical certificate at iba pang dokumento na nagpapatunay na na-confine siya sa ospital. Balak niyang mag-file ng leave kung papayagan siya. Kung hindi naman ay magre-resign na lang siya. Ayaw na muna niya kasing magtrabaho. Mag-iisip na lang siya ng ibang pagkakakitaan kung sakali.
Pagdating ng alas-otso ay pumunta siya sa opisina ng HR dala ang kanyang mga dokumento sa pagpapa-ospital. Binigyan siya ng sixty days na maternity leave. Pagkatapos maayos ang kanyang
