MATAGAL nang natapos ang usapan nina Kaye at Mrs. Antigua ngunit nakatitig pa rin sa madilim na kisame ang una. Ayaw siyang dalawin ng antok. Parang nag-e-echo pa rin sa tainga niya ang usapan nila ng mama ni Raizer.
Bakit ba ganito ang nangyari sa lovelife niya? Naalala na naman niya ang nangyari kina Vivienne at Khrysstyna. Mukhang iisa ang direksyon na tinutungo ng love story nilang magkakaibigan. Panay nauwi sa kasawian ang kanilang buhay pag-ibig. Lahat sila ay sawimpalad pagdating sa pag-ibig. Ano kayang ginawa nilang mali sa kanilang buhay para mauwi sa ganito ang kanilang kapalaran?
Wala siyang maalalang niloko niyang lalaki. Nagkanobyo siya ng apat na beses. Bagaman, siya ang nakipag-break, hindi niya masabing siya ang may kasalanan. Kaya nga siya nakipaghiwalay dahil hindi na
