DALAWANG ARAW pa ang nanatili si Kaye sa ospital bago siya pinayagan ng doktor ma-discharge. Ginamit niya ang credit card na ibinigay ni Raizer para makabayad sa kanyang bill.
Noong araw na makalabas siya ng ospital ay nagpahatid siya sa mansyon ng mga Antigua sa Dasmariñas. Ayaw pumayag ni Yaya Aura ngunit mapilit siya. Kaya napilitang sumang-ayon ito ngunit sinabing hihintayin siyang matapos makipag-usap sa kanyang biyenan para maiuwi din siya agad.
Pumayag naman agad si Kaye sa ganoong arrangement. Gusto na niya kasing matapos ang lahat ng paghihirap niya kaya gagawin na niya ang nararapat sa lalong madaling panahon.
Pagdating nila sa mansyon ay naghihintay na ang biyenan niya sa hapag-kainan. Tanghalian na kasi nang dumating sila sa mansyon.
“Kumusta ka na, iha?” usisa ni Mrs. A
