BANDANG HAPON ay tinuloy ni Alexandra ang balak na puntahan si Sabrina sa bahay nito. Ganoon ulit, motorsiklo ulit ang gagamitin niya para sa pagpunta roon. At gaya kaninang umaga ay makulimlim pa rin ang panahon at lumakas na rin ang paminsan-minsang ihip ng hangin. Ang sabi ni Aling Noela ay may bagyo raw na parating.
""Ma'am Alexandra!"" anang pamangkin ni Aling Noela.
""Yes? Ano iyon?""
""Sabi po ni Nanang magdala ka raw nitong kapote dahil nagbabadyang umulan,"" anito habang pinapakita sa kaniyang ang kapoteng nasa plastik. At si Aling Noela ang tinutukoy nitong "Nanang".
""Pakilagay na lang diyan at kukunin ko na lang mamaya. Nagbibihis pa kasi ako,"" tugon niya at agad namang tumalima ang pamangkin ni Aling Noela.
Gumayak na si Alexandra. Nagbihis siya at pinalitan ang sout n
