MAGMULA nang pinagsabihan ni Alexandra si Lawrence ay halos hindi na sila nagkikitang dalawa. Umuuwi naman sa Rancho Villaruiz si Lawrence pero minsan gabing-gabi na at maagang-maaga naman umaalis. Halos dalawang linggo nang ganito at hindi man lang sila nakakapag-usap. Hindi niya rin kasi nakakasabay sa pagkain si Lawrence dahil hindi na ito kumakain sa bahay nila.
Tinawag ni Alexandra ang pamangkin ni Aling Noela na si Noelyn.
""Ano po 'yon, Ma'am Alexandra?"" anito paglapit sa kaniya.
""Noelyn, ipaalam mo sa'kin kapag dumating na si Mayor mamayang gabi, ha.""
""Okay po..."" tugon ni Noelyn.
Pabalik na sana si Alexandra sa kaniyang silid sa taas. Nasa pang-apat na baitang na nga siya ng hagdan nang makarinig siya ng ugong ng sasakyan. Kilala niya ang tunog na iyon ng kotse at alam n
