Trenta na ako ngunit wala pa rin nagkakamaling lalaki sa buhay ko. Kaya naman tuwing Linggo paspas ang pagpapa-fit ko baka sakaling makabingwit na ako. At presto! Dahil nang mapadpad ang mga paa ko sa simbahan, bigla ang pagdating ng grasya sa aking harapan. Aba’y, nakatabi ko ba naman si crush sa upuan.
Hmm… mukhang nangangamoy love life, ah. Dahil nang humarap siya sa akin para sa “peace be with you” muntik ko nang masabi ang “I do” dahil sa sobrang kilig na naramdaman ko. Hindi lang pala kailangan magpa-sexy at magpaganda, kailangan ko lang pala ang humiling sa Kanya para makilala siya.