العنقاء

الفصل الخامس

ذهبت ملك ومن خلفها حاتم , ثم بعد قليل بدأ طارق يستعيد وعيه وعندما أفاق سأله العقيد عمر عما حدث فأخبره بما فعلت ملك معه حتى شجارهم فى المكتب

العقيد عمر : انت غلط يا طارق وغلط كبير اوى كمان

طارق : لا مغلطتش هى مفكرة نفسها مين يعنى

العقيد عمر : انا هحكيلك مين هى ملك الشافعى ...... ملك اتربت فى عيلة كبيرة تبع المافيا فى روسيا باباها هو ادهم الشافعى من اخطر رجال المافيا اتجوز واحدة من عيلتو اسمها نور الشافعى وتبقى بنت عمو لما اكتشف انها حامل كان عندو امل كبير ان المولود يكون ولد بس ربك بقه لما يريد اتولدت ملك ساعتها قلبوا البيت مناحة والكل كان مضايق وخصوصا باباها , بعد عنها ومبقاش يشوفها الى كل فين وفين وخلى المربيات هما الى يهتمو بيها ومن ضمنهم واحدة اسمها عفاف ربت ملك على دين الاسلام وعلمتها الصح من الغلط من صغرها وعلمتها انها تستحمل منهم اى حاجة لحد ما تكبر وبعدها تقدر تعمل الى هى عايزاه , لما ملك بقى عندها ست سنين بدأ عذابها كانوا بيعملوها كل انواع فنون القتال الى ممكن تتخيلها , عاملوها كأنها راجل , اتعذبت كتير وبالرغم من دا كانت كل مرة بتثبت كفائتها لحد ما بقى عندها حداشر سنة كانت ساعتها بتعرف تلعب جميع انواع فنون القتال بس هى مكتفتش بكده وحاولت انها تتفوق عليهم فضلت هى تدرب نفسها ودمجت بين كل الى هى اتعلموا منهم واخترعت نوع جديد تماما من فنون القتال محدش يعرفوا غيرها , ولما كملت 18 سنة طلبت انها تدخل كلية الشرطة لكن والدها رفض بشدة وقالها ان مستقبلها فى المافيا معاهم ولما رفضت حبسها فى بيت كبير وعين تلاتين حارس عشان يمنعوها من الخروج , لكن رغبة ملك كانت قوية ومستسلمتش بسهولة حاولت تخرج من البيت ولما منعوها الحراس خلصت عليهم فى تلاتين دقيقة يعنى الواحد كان بياخد فى ايدها دقيقة وبعدها خرجت وراحت عند بيت الراجل الكبير بمعنى اصح رئيس المافيا الكبير ملك هى الوحيدة الى شافتوا وطبعا وهى بتحاول تدخلوا رجالتوا حاولوا يمنعوها فخلصت عليهم هما كمان فى اليوم دا كانت مذ*حة بمعنى الكلمة ودخلت عندو وهددتوا بأنو لو وقف فى طريقها هتقتلوا هو كمان وطبعا هو استسلم لرغبتها مش بس كدا دا بعتها على مصر كمان , وانا الى لاقيتها كانت تايهة ومش عارفة حاجة خدتها عندى وربتها ولما حكتلى حكايتها وقفت جمبها ودخلتها كلية الشرطة بمعارفى , وبسرعة رهيبة ملك قدرت تثبت نفسها ولما تعينت كانت اصعب قضية بتخلص معاها فى اسبوع , عملت ليها مكانة كبيرة وخصوصا عند رئيس الجمهورية وعشان كدا محدش يقدر يقول لملك تلت التلاتة كام والى كان بيعترض على اى قرار ليها من القادة الكبار كانت بتعمل فيهم زى ما عملت فيك بالظبط ويمكن اسوء , لحد ما قبلت حازم جوزها الله يرحمو هو الوحيد الى قدر يروضها ويخليها تفتح قلبها , ومع ذلك ملك عمرها ما اهملت فى شغلها وكان كل هدفها انها تخسر عصابة المافيا كل شغلها وبالفعل كانت بتخرب عليهم اكبر الصفقات وفى واحد من عصابة المافيا اسمو كاسر دا بقه بيكره ملك كره ا***ى وحب يعلمها درس فخ*فها فى الصحرا ولما فاقت لقت نفسها مربوطة بسلاسل فى كرسى وقدامها خمسين طفل عمرهم ما بين ال 4 سنين ل5 سنين وكان بيدبحهم قدام عنيها والأطفال يصرخوا ويطلبوا منها انها تساعدهم وبعد كدا يشرحوهم وي**قوا اعضائهم وبعدها ملك فقدت الوعى ولما فاقت لقت نفسها على الطريق الصحرواى لحد ما ولاد الحلال ساعدوها وودوها المستشفى , لما فاقت كانت منهارة لدرجة كبيرة وبقت تتخيل كاسر فى اى حد واقف قدامها وتحاول تقتلوا وحاولت كذا مرة انها تقتل حازم جوزها وهى معتقدة انو كاسر ملاقيناش حل غير انها تسافر بره مصر تتعالج وفضلت خمس سنين تتعالج ورجعت مصر تانى بس للأسف موتوا بنتها وجوزها قدام عنينيها

طارق : يااااه بقى ملك عاشت كل دا , بس فيه حاجة غربية هما ليه محاولوش انهم يقتلوها يعنى وبكدا يخلصوا من المشاكل الى عملاهلهم

العقيد عمر : وانت مفكر ان والدها هيسكتلهم هو قلهم ان شغلوا معاهم قصاد حماية ملك وان محدش يقربلها وهما طبعا وافقوا , وبعدين مين الى هيتجرأ ويحاول انو يقتل ملك ها قولى

طارق : عندك حق دى خرشمتنى , لا وانا الى داخل عليها بقلب جامد وبهددها وحاولت اض*بها

العقيد عمر (بضحكة) : واد*ك طلعت سوسن ههههههههههه

طارق : احم....... دى ملك الشافعى برضو هى اى حد

توجهت ملك وحاتم الى مكتب توفيق العمراوى

ملك : من الاخر كدا ومن غير حوارات كتير تعرف ايه عن قضية قتل بنتى وجوزى

توفيق : وهو انا اعرفك اصلا , انا مش فاهم انت عايزة توصلى ليه

ملك : امممممم شكلك كدا ناوى تعصبنى ودا مش كويس علشانك

اتجهت ملك الى حقيبتها وأخرجت مشرط طبى واتجهت به الى توفيق الذى تسمر فى مكانه لدى رؤية المشرط فى يدها

ملك(بنبرة مرعبة) : تبقى انت الى جنيت على نفسك والى يلعب بالنار ميقلش لامؤخذه ... يح

توفيق(وهو ينظر الى ملك برعب) : انت عايزة ايه بالظبط

ملك : هو دا الكلام قولى كدا بقه بالذوق مين الى اجر منك العربية اياها وايه علاقتك بتجار الاعضاء بدل ما ماسيبش فيك حتة سليمة

توفيق: ح..حاضر كل الى اعرفوا ان الراجل الكبير اسمو كاسر هو بس بياخد منى العربيات الى رجالتوا بيعملوا بيها العملية وبعدها بيفجروها , لكن انا والله ماعرف اى حاجة عن قضية قتل بنتك وجوزك

ملك : انت تعرف دلؤتى فين كاسر

توفيق : لا احنا بس بنتكلم فى الفون وعمرى ما شفتوا ..... بس انا اعرف مكان الاطفال الى اتخ*فوا المرادى اصلى حبيت أأمن نفسى

ملك : حلو اوى انطق بقه بدل ما اشرحك هنا

أخبر توفيق العمراوى ملك بكل المعلومات التى تحتاجها ثم خرجت من مكتبه واتصلت بالعقيد عمر تخبره بمكان الأطفال المخطوفين وطلب منه ارسال الدعم لمصنع (....) , وبعد فترة تقابلت ملك مع مرام وطارق وفرقة من القوات الخاصة فى مكان قريب من المصنع ثم اتفقوا على الخطة المناسبة وبدأو فى تنفيذها , وأثناء انقاذهم للأطفال لم يرو أى فرد من أفراد العصابة وهذا ما أثار قلق ملك فهم ليسوا بتلك السذاجة , عندما انتهو من انقاذ الأطفال طلبت منهم ملك أن يذهبوا هم أولا وهى ستتحقق من أمرا ما ثم ستلحق بهم

ظلت ملك تتجول فى أنحاء المصنع لعلها تجد أى شيئ يفيدها فى القضية ولكنها فجأة وجدت من يض*بها على رأسها بقوة لتسقط مغشيا عليها ........... بعد فترة بدأت ملك تستيقظ وقد وجدت نفسها فى غرفة مقيدة بحبل وتجلس على كرسى وأمامها يقف أربعة رجال بنيتهم قوية , ثم يفتح باب الغرفة ويدخل منه عدوها اللدود كاسر وعلى وجهه ابتسامة مقززة

كاسر : اهلا اهلا بسيادة المقدمة ملك الشافعى

ملك (بتهكم) : ايه دا كاسر بنفسه , هى الدنيا جرى فيها ايه

كاسر : مفاجأة مش كده , ايه كنتى متصورة انك مش هتشوفينى تانى بعد الى حصل بس احب اقلك انى النهاردة خلاص نويت انى اقتلك وارتاح منك ولو فيها موتى بس هبقى ارتحت

ملك (باستهزاء) : يا راجل تقتلنى مرة واحدة طب قول تعورنى انما تقتلنى وسعت منك على فكرة وبهوئت على الأخر

كاسر(وهويرفع مسدسه باتجاه ملك): انت ايه مفكرة نفسك مين يعنى

ملك: انت الى مفكر نفسك مين , انت ولا حاجة وبعدين دا انت اكتر واحد اض*ب منى , فارمى اللعبة الى فى ايدك دى يا شاطر بدل ما تعور نفسك , وبعدين قدام انت واثق فى نفسك اوى كدا ما تواجهنى وجها لوجه بدل ما تستخدم المسدس لا وكمان رابطنى , تؤ تؤ تؤ مكنتش اتوقع انك تطلع سوسن

ضحك كل من فى الغرفة رغما عنهم ليستشيط كاسر غضبا وينظر لها نظرات مليئة بالشر فتكمل ملك كلامها

ملك : قبل ما تعمل اى حاجة قولى مين الى قتل بنتى وجوزى ومين المسئول عن تجارة الأعضاء فى مصر

كاسر : احب اقلك ان انا الى قتلت عيلتك المصون اما بقه الراجل الكبير فهو والدك المصون , لا وخدى التقيلة لما عرف بقتل بنتك وجوزك ولا عمل اى حاجة , صحيح استنى دا انا لسة محتفظ بجثثهم هنا , تحبى نشرحهم قدامك عشان يبقى على عينك يا تاجر هههههههه

ملك(بنظرات مرعبة ومخيفة): ودينى ما هرحمك يا كاسر الكلب , لو راجل فكنى وواجهنى

كاسر: ماشى فكوها وابقى برضو حققتلك اخر امنية

بمجرد أن فكوا ملك نهضت بخطوات ثابتة تجاه كاسر وتفاجأ كاسر بهدوئها على ع** ما توقع فهو توقع أن تنطلق اليه كالسهم وتكيل له الض*بات ولكنه وجد برود شديد منها فاستشاط غضبا وبدأ فى توجيه اللكمات لها , ولكنها تفادتها أيضا بمهارة ثم بعد قليل بدأت هى تكيل له اللكمات مما جعل الدماء تتدفق من كجزء فى وجهه وبدأت قواه تخور ثم أنهت ملك حياته بض*بة شديدة على رقبته ليسقط على الأرض قتيلا وسط دهشة الجميع وقبل أن يستوعبوا ما يحدث انقضت ملك عليهم وقتلتهم جميعا فى خمسة دقائق , ثم بدأت تبحث عن جثث أحب الناس اليها وهى تذرف دموع غزيرة ......... وبعد فترة وجدتهم ملقين على الأرض باهمال وقد تحول لونهم للأبيض الشاحب وما زالت الدماء على ملابسهم

توجهت اليهم بخطوات بطيئة , تقدم قدم وتؤخر الأخرى لا تستطيع احتمال رؤيتهم هكذا ..... وبعد صراع طويل داخلها وصلت اليهم ووقفت أمامهم تتأملهم ودموعها تسقط على وجنتيها ب**ت , ثم جلست على الأرض بجانبهم وبدأ ص*رها يعلو ويهبط ثم دخلت فى نوبة بكاء هيسيرية

ظلت ملك على حالهم الى أن سمعت صوت ما يأتى من خلفها فالتفتت لترى أمامها طارق ينظر لها بأعين مدمعة هو الأخر

طارق: انا عارف انك مش طايقانى ومش حابة وجودى بس انا مقدرتش اسيبك هنا لوحدك فروحت معاهم وبعد شوية استأذنت وجيت على هنا , ملك انا بعتبرك صديقتى مش عدوتى , وانا بجد حابب اساعدك ومتفتكريش ان دى شفقة لا دى مساعدة من صديق لصديقته

نظرت له ملك بحيرة مما يقول وتفكيرها مشتت هل تعتبره صديقا لها أيضا أم تقسو عليه مثلما قسوا هم عليها ..... ولكن لا لن تكون مثلهم

ملك : شكرا يا طارق انا بجد مش عارفة اقولك ايه

طارق : يا ستى خليها على الله , استنى استنى دا انت عيطى , لالالا انت عندك دموع زينا سبحان الله الذى ابدع فى خلقه

ملك: هههههه ايه ايه حيلك هما قالولك انى جاية من المريخ

طارق: وهو معقول برضوا اهل المريخ يكونوا بالحلاوة دى

ملك اه دا انت بتعا** بقه

طارق: معلش احنا بنتكلم

ملك: ههههه هئ هئ هئ , انا مش هشوفهم تانى يا طارق , كان ذنبهم ايه ها

طارق: يا ملك الأعمار بيد الله وبعدين وانت كمان كان ايه ذنبك ان يحصلك كل دا دا مقدر ومكتوب يا ملك

ملك : ونعم بالله

قام طارق بطل سيارة اسعاف لنقل جثة حازم وفرح

انتهت مراسم العزاء وظلت ملك حبيسة المنزل لثلاثة أيام ورفضت أى محاولة من أصدقائها فى جعلها تخرج , ثم عقدت العزم على فعل أمر ما ...وبالفعل توجهت ملك فى صباح اليوم التالى الى المطار وحجزت على الطائرة المتجهه الى روسيا

بعد عدة ساعات وصلت الطائرة الى روسيا ثم استقلت ملك سيارة أجرة وذهبت الى المكان التى لطالما ظلت تهرب منه لعدة سنوات ولكن لا مفر من المواجه

وصلت ملك الى قصر فى غاية الفخامة وتوجهت الى البوابة الرئيسية بكل ثقة وثبات وما ان اقتربت من الحراس حتى افسحوا لها الطريق فهم لا يريدون أن يفقدوا حياتهم اليوم , ما ان دخلت من بوابة القصر حتى رأت والدها أدهم الشافعى يجلس على طاولة وأمامه بعض الأوراق يراجعها فى هدوء ولكنه حالما رأى ملك أمامه نهض مسرعا من مكانه وتوجه اليها وقام باحتضانها بشدة رغم اعتراضها فى البداية ولكنها بادلته الحضن فى النهاية فكم تمنت لو يضمها والدها ويشعرها بحنانه عليها

أدم : ملك انا اسف يا بنتى انى مكنتش ليكى نعم الاب انا عرفت قمتك بس لما بعدتى عنى

ملك : واد*ك عرفتها بس متأخر , تقدر تقولى ليه عملت كده فى عيلتى ها مش مكفيك الى حصلى

أدم: والله يا بنتى انا مكنتش اعرف كاسر ناوى على ايه هو مقلش انو هيقتل عيلتك ولوكنت عرفت كنت منعتو

ملك: انت بتضحك عليا ولا على نفسك , عموما مش دا موضوعنا

أدم: امال جيتى ليه

ملك: جيت عشان اقبض عليك

أدم: ايه

ملك: حاول تعمل ولو مرة فى حياتك حاجة صح لو مش عشانك يبقى عشانى واظن كفاية وساخة لحد كده ومتقلقش كلهم هيحصلوك قريب بس كلو بأوانه

أدم: ملك انت كده بتلعبى بالنار , هما مش هيسيبوكى فى حالك

ملك : خلاص مفيش حاجة اخسرها وانا بقيت فاضية مش ورايا غيرهم ويا انا يا هما

أدم: وانا موافق يا ملك , عشان انا خلاص تعبت من الى انا فيه ونفسى ارتاح

ملك: انت اصلا مفيش قدامك حل غير انك تقبل لأنى مش هقبل غير بكده , استنى هنا شوية عشان فى مشوار ضرورى لازم اعملوا

انصرفت قبل أن تسمع منه أى رد وتوجهت الى بيت رئيس المافيا وعندما دخلت قصره دار بينها حوار طويل وبعدها غادرت ملك القصر وعلى وجهها ابتسامة ماكرة وعيونها يلمع بهما التحدى

عادت الى قصر والدها ثم اصطحبته معها الى مصر وتحديدا فى الاسكندرية وقام والدها بالاعتراف بكل جرائمه ودخل السجن ولكنه لن يعدم بناءا على رغبة ملك فهى اكتفت فقط بحبسه وحتى تستطيع أن تعرف منه معلومات عن منظمة المافيا

طارق: دا انت طلعتى قادرة , بصراحة انا مكنتش متخيل انك بالشجاعة دى

مرام: يا بنى دى ملك الشافعى يعنى تشوفها تشلح وتجرى

حاتم: الله يسامحك يا حج

طارق: هههههه الا صحيح يا حاتم مين الحج الى عمال تدعيلوا

حاتم: دا يا سيدى والدى هو الى **م انى أدخل الشرطة وادينى ابتليت بملك

ملك: انت بتقول حاجة يا حاتم

حاتم: بقول صباحك عسل يا ملك هانم

ملك: اه قلتلى , شباب جهزوا نفسكوا عشان لسة قدامنا مشوار طويل وقضايا كتير محتاجة حل

مرام : قضايا مين ولامؤخذة , احنا لحقنا

ملك: ايوة وهنبدأ من بكره دا حتى قلبى حنين وهد*كو النهاردة اجازة ترتاحو فيه

طارق: يا راجل وعلى ايه ما نبدأ من دلؤتى, هههه دى بتهزر

ملك: تعرف ان ريكى ومارتن مشتقانلك بشكل يا طارق

طارق : احم ... انا بس كنت بقول رأى والاختلاف فى الرأى ملهوش علاقى بريكى ومارتن ولا ايه

حاتم: بس يا ملك انت مقلتيش قضايا ايه الى هنشتغل عليها

ملك : القضايا الى تخص المافيا , أصلى نويت انى ابدهم للأبد

حاتم وطارق ومرام فى نفس الوقت: نعممممممم

ملك: هههههههههه دا لسة التقيل جاى قدام

حاتم: ربنا يسامحك يا حج

هل سيقول العالم عنها أنها مجنونة لمجرد أنها تريد القضاء على عصابة المافيا وتخليص العالم من شرهم أم سيقفون الى جانبها ويساعدونها

طول عمرك لمضة , بس قوليلى ايه الى جابك انت مش كنتى قلتى انك هتعتزلى الشرطة

ملك: بس فى حاجة هى الى خلتنى ارجع تانى

طب ممكن تتكرمى وتقوليلى عليها

ملك بملامح جامدة: اوى اوى , جوزى وبنتى اتقتلوا قدام عنيا وبعدها جثثهم اختفت

ايه, عموما البقاء لله يا بنتى , بس الى انت عايزاه دا مستحيل اولا لانك اعتزلتى وثانيا لانك طرف فى القضية فمينفعش انك تحققى فيها وانت اكتر واحدة عارفة القوانين

ملك: وانت اكتر واحد عارف مين هى ملك الشافعى وانا كلمتى واحدة انا الى هحقق فى القضية دى وان كان على وزير الدخلية سيبوا عليا

ملك انت الظاهر نسيتى انا مين اذا كنتى انت ملك الشافعى فانا العقيد عمر السيوفى

ملك: وانت فوق راسى بس القضية دى بتاعتى وانا الى هجيب المجرم وهتبقى سنتة سودة

عمر: يا ملك كدا مينفعش اهو عشان عصبيتك دى مينفعش انت الى تمسكى القضية وبعدين انا عندى امهر الضباط وهما هيعرفوا يجيبوا القاتل

ملك: شكلك كدا يا سيادة العقيد نسيت طريقتى فى الشغل ونسيت كمان ان الى انا عايزاه بعملوا حتى لو كنت معترض

سمعوا صوت طرقات على الباب فأذن عمر للطارق بالدخول ولم يكن سوى حاتم

حاتم: اوبا شكل الحرب العالمية التالتة هتقوم دلؤتى

ملك: اخرس يا زفت , عملت الى قلتلك عليه ولا اخلى نهارك زى وشك

حاتم: الله يسامحك يا حج انت السبب , هيييييح ايوة يا ستى عملت كل الى قلتى عليه

ملك: تمام اوى , امشى انت وانا هحصلك

عمر: والله عال وانا زى الاطرش فى الزفة , ممكن افهم ايه الى بيحصل

ملك: منا قلتلك القضية دى بتاعتى , وحاول بس انك تقف فى طريقى واقسم بالله لهتشوف ملك عمرك ما شفتها وانت عارفنى لما بحط حاجة فى دماغى ولا عزرائيل نفسوا يقدر يمنعنى , عن اذنك بقه عشان اشوف شغلى

ذهبت ملك خلف حاتم وتركت خلفها رجلا غاضبا يكاد يحطم رئسها العنيد هذا ولكنه يعلم جيدا من هى وما الذى تستطيع فعله ولذلك أثر ال**ت

فى غرفة الاكترونيات يجلس حاتم أمام الكمبيوتر وبجواره تجلس ملك بكل هدوء على الرغم من الاعصار الذى يعصف بقلبها ولكنها دائما ثابتة كالجبل ولن تظهر ما بقلبها الى أن تأخذ حقها وحق عائلتها

بدأ حاتم بعرض التسجيل الذى طلبته ملك وكان كل شيئ طبيعى حتى أتت اللحظة الحاسمة لحظة قتل عائلتها الصغيرة وقف حاتم غير مصدق لما يرى فهو لم يكن يعرف أن الأمر بتلك الخطورة ثم وجه نظره الى ملك وكالعادة لم يجد على وجهها أى تعبير , فقط تراقب ب**ت تام , ولاحظت فى تسجيل الفيديو تلك السيارة التى حملت زوجها وابنها وانطلقت سريعا تسابق الريح وطلبت من حاتم أن يتوقف عند لقطة معينة لكى تستطيع رؤية أرقام السيارة وعندما سجلتها طلبت من حاتم أن يبحث عن هوية صاحبها وأن يأتى أيضا بمعلومات عن صاحب السيارة وكل هذا تريده على مكتبها غدا فى الصباح , وكالعادة نفذ حاتم اوامرها بدون اى تعليق

خرجت ملك من الغرفة وتلك الذكرى الأليمة تعصف بها من الداخل ولكنها تأبى اظهار ذلك , اتجهت الى مكتبها والذى هو مقابل غرفة العقيد عمر السيوفى وعندما دخلت وجدته داخل مكتبها ويجلس على الكرسى الخاص بها

عمر: قبل ما تقولى اى كلمة, انا موافق انك انت الى تمسكى القضية وطبعا زى ما انت عارفة ان القيادات مش سهل تقبل بده فشرطهم انهم يبعتو حد من عندهم يشتغل معاكى فى القضية دى

ملك: وانت عارف ردى بالرفض القاطع ان اى حد يدخل فى قضية تخصنى

عمر: قدام الموضوع ليه علاقى بيكى تبقى القضية كبيرة يا ملك ودا شرطهم عشان تحققى فى القضية دى

ملك: ومين بقه الى امة محمد دعيا عليه

عمر: طارق رضوان

ملك: طارق اممممممممم حلو اوى طب ولو هو الى قرر يسيب القضية كده انا الى حقق فى القضية لوحدى

عمر: ايوة

ملك: حلو اوى يبقى استنى بقه انسحاب سى طارق بتاعك دا من القضية فى ظرف يومين

عمر: استرها يا رب , ملك حاولى ولو مرة فى حياتك تكونى مطيعة صدقينى مش هتخسرى حاجة

ملك: ودا مستحيل يحصل

عمر: ملك ارجوكى متعمليش مصيبة انا عايز طارق حتة واحدة

ملك: هههههه دايما فاهمنى صح , بس متخفش انا بس هطلب منو بكل ادب انو يسيب القضية

عمر: لا حول ولا قوة الا بالله استرها يا رب

قضت ليلة من أسوء الليالى التى مرت بها من قبل فصورة زوجها وابنتها لا تفارقها حتى فى نومها وكلما يغمض لها جفن يراودها ذلك الكابوس مجددا وهكذا قضت ملك ليلتها ومع ذلك استيقظت فى الصباح الباكر كعادتها ولم تشكو مما حدث معها بالأمس بل توضئت وصلت فرضها ثم ذهبت الى عملها كما اعتادت من قبل وأول ما فعلته كان استدعاء حاتم لترى هل أحضر لها ما طلبته أم لا

حاتم : يا صباح الورد عليكى يا ملك

ملك : انا مش فايقالك على الصبح اخلص جبت الى قلتلك عليه

حاتم : حالى اه انا الحمد لله تمام

ملك : بقلك ايه انا على اخرى فانجز بدل ما اعاقبك وانت طبعا مجرب وعارف

حاتم وهو يتصنع الجدية : تمام يا فندم جهزت الورق وكل المعلومات المطلوبة

ملك : ايون كدا اتعدل

حاتم : الله يسامحك يا حج , بصى يا ستى العربية الى خدت جوزك وبنتك عربية تبع من مكتب (.....) لتأجير العربيات والمكتب دا فاتح بقالو سنتين بس زى ما تقولى كدا حالو واقف ومفيش زباين كتير ومع ذلك لسة برضوا فاتحينوا وصاحب المكتب دا اسمو توفيق العمراوى , أما بقه الشخص الى اجر العربية فدا مجهول يظهر كدا انهم محو السجل بتاعو من عندهم وكان متقدم بلاغ قبل الحادثة بيوم ان العربية دى اتسرقت

ملك : يبقى كدا توفيق دا ليه يد فى الموضوع ويمكن كمان يكون بيساعد المجرمين الى بندورعليهم ...... طيب وتوفيق دا ملوش اى نشاطات تانية

حاتم : لا , ودا الى محيرنى

ملك : حاتم قول المعلومة كاملة انا مش هسحب المعلومات منك

حاتم : اصلو بالرغم من ان دخل مكتب تأجير العربيات بتاعو قليل الا انو عندو فيلا فى منطقة (....) وكمان باين عليه انو غنى

ملك : طب مش يمكن يكو

وقاطع حديث ملك دخول طارق الى الغرفة

طارق : صباح الخير

حاتم : صباح النور ادى الناس ولا بلاش

ملك : بتقول حاجة يا حاتم

حاتم : لا دا انا بس بدعى للحج

ملك : اه انا برضو بقول كدا , انت بقه طارق رضوان

طارق : ايون بشحمو ولحمو

ملك : حاتم اقدملك طارق رضوان الى هيشتغل معايا فى القضية

حاتم : اه , ( ثم فتح فمه من الصدمة وعيناه تكادان تخرجان من مكانهما ) الى ايه

طارق : الى هيشتغل معاها ايه الغريب فى كدا

حاتم : لا ولا حاجة ربنا معاك يا دفعة دا انت لو جاهدت كان هيبقى احسن

ملك : حاتم ممكن نكمل بقه كلامنا

طارق : طب ممكن تقولولى الاول معلومات عن القضية دى

ملك : حاتم انا كنت بقول ان ممكن يكون توفيق بيشتغل فى اعمال مشبوهة

حاتم : لا منا دعبست وراه وملقتش حاجة من دى

طارق : انا ممكن افهم انتو بتتكلموا عن ايه

ملك : حاتم فى مهمة جديدة هوكلك بيها عايزاك تجبلى ملف طارق رضوان وفيه كل المعلومات عنو ودا عايزاه فى ظرف ساعتين فاهم عايزة كل حاجة عن حياتو كل حاجة يعنى بيحب ايه بيكره ايه حب قبل كدا ولا لا بيخاف من ايه صفاتوا فامنى كل حاجة عن حياتو

حاتم ( بنبرة مضحكة) : طب تحبى بالمرة اعرفلك مقاس البو**ر

ملك : انت هتستظرف امشى يالا واعمل الى قلتلك عليه

طارق : انا على ما اعتقد الكلام دا عليا

حاتم : تعتقد ايه بس يا راجل انت كرامتك بقت فى الحضيض

ملك : حاتم اخرج , واه اطلبلى مرام وخليها تيجيلى هنا بعد ساعة عشان هنروح مكتب توفيق العمراوى

حاتم : تحت امرك , ربنا يسامحك يا حج

خرج حاتم من المكتب وهو يتمتم بكلمات غير مفهومة , أما بالنسبة لطارق فكان يجلس وهو ما يزال يستوعب ما يحدث من حوله

ملك : قلتلى بقه انت الى هتشتغل معايا

طارق : ممكن اعرف انت ليه عايزة تعرفى المعلومات دى كلها عنى

ملك : تقدر تقول معلومات عامة

طارق : وهو مقاس البو**ر بقى معلومات عامة

ملك : مهو بص يا ابن الحلال اذا مرحتش دلؤتى لمكتب العقيد عمر السيوفى وقلتلوا انك هتنسحب من القضية دى تبقى جنيت على نفسك

طارق : نعم وانا اعمل كدا ليه , وبعدين انت مين اصلا عشان تقوليلى اعمل ايه ومعملش ايه

ملك : اسمى ملك الشافعى اسأل اى حد فى البوليس عليا وشوف هيقلك ايه او ادخل على جوجل واعمل بحث عنى وصدقنى هتنبهر

طارق : بصى انا ميكلش معايا الكلام دا , ممكن بقه تعرفينى ايه القضية دى بالظبط

ملك : ليه هما الى بعتينك مدكوش ملف القضية , عموما لو عايز تعرف اى حاجة عندك العقيد عمر

تركته ملك واتجهت الى وجهتها تاركة طارق غارق فى أفكاره ولدى خروجها أخرج هاتفه من جيبه وبحث عن هوية ملك فى موقع جوجل وكل ما ظهر له جملة واحدة ( احذر انها أسوء من الشيطان نفسه ) تعجب طارق كثيرا ولكنه اتجه الى مكتب العقيد عمر وقد أخبره بكل تفاصيل القضية وأخبره أيضا أن يحذر من ملك

بعد نصف ساعة وصل خبر الى ملك با****ف خمسة أطفال أخرون أمام نفس المدرسة التى قتل أمامها زوجها وابنتها , ولذلك طلبت ملك حاتم ومرام الى غرفتها فى اجتماع هام وعاجل ورغم اعتراض ملك على حضور طارق الا أنه حضر رغما عنها وجائها اتصال من العقيد عمر ودا بينهما حوار انتهى بموافقة ملك على مساعدة طارق لها فى القضية

ملك : قولولى ايه الرابط الى بيجمع بين القضيتين ؟؟؟؟؟

حاتم : بس ممكن يكونوا مش مرتبطين ببعض

مرام : احنا كلنا عارفين ان ليكى اعداء كتير يا ملك واكيد حد فيهم هو الى عمل كدا

ملك : ماشى لو افترضنا ان كلامك صح طب ايه الى هيخليهم ياخدو جثثهم بعد ما يموتوهم , لو كان دا انتقام زى ما بتقولى اكيد كانوا هيسيبوا الجثث مكانها

طارق : طب ما يمكن يكونوا بينتقموا منك وفى نفس الوقت بيشتغلوا برضو

حاتم : قصدك ايه ؟؟؟؟؟

ملك : قصدوا ان دول ممكن يكونوا تجار اعضاء وبما ان محدش اتصل بالاهل وطلب فدية يبقى هما اكيد تجار اعضاء , حاتم جبت تسجيل الكاميرا يوم الجريمة

حاتم : ايوة

شغل حاتم تسجيل الكاميرا اثناء خ*ف الخمس أطفال من أمام المدرسة وأيضا طلبت منه أن يعرض تسجيل قتل عائلتها وا****ف الأطفال فى نفس الوقت ثم طلبت منه التوقف عند نقطة معينة فى كلا التسجيلين وهنا ظهر شيئ مشترك وهو وقوف شخص فى الطابق الثانى يراقب كل ما يحدث فى **ت ولا يبدو عليه التأثر وهذا الشخص لم يكن سوى المدير

قررت ملك الذهاب الى تلك المدرسة وبالطبع ذهب معها حاتم ومرام وطارق , ولدى وصولهم دخلو مكتب المدير على الفور دون استأذان وقد وجدوا فى يده سبحة

ملك (بسخرية) : يا سلام على الايمان طب مش كنت تقول يا راجل كنا جبنا المصلية وصلينا جماعة

نهض المدير من على كرسيه وسألهم عن هويتهم

ملك : احنا الى هنجيب اجلك بس مطقتعش

- انتو لو مخرجتوش من هنا انا هطلبلكوا البوليس

طارق : طب ايه رايك بقه ان احنا البوليس

مرام : اصل خدمة التوصيل عندنا سريعة حبتين

ملك : من غير كلام كتير انت تعرف ايه عن خ*ف الاطفال و حكاية قتل بنتى وجوزى

- انا معرفش انتو بتتكلموا عن ايه بالظبط

ملك : طب تمام , حاتم اربطو فى الكرسى

وبالفعل أخرج حاتم حبل من حقيبة يده وقيد المدير وقام طارق باقفال الباب من الداخل جيدا وملك وضعت الطاولة بينها وبين المدير وطلبت من مرام احضار العدة والتى لم تكن سوى مشرط وشنيور ومقص كبير وسكين

ملك : ها قلى بقه تحب نبدا بقيه

- على فكرة الى بتعمليه دا ضد القانون

حاتم : يا حبيبى انت بتتكلم مع القانون نفسه فانطق بقه فى ليلتك الى زى وشك دى

طارق : ملك انت ناوية تعملى ايه بالحاجات دى

ملك : كل خير يادوب بس عملية صغيرة كدا

- عملية ايه بالظبط

ملك : أصل حاتم كان عايز كبد جديد فاحنا هناخد الكبد بتاعك ونديه لحاتم وبكدة هتبقى عملت خدمة وطنية

- خلاص خلاص انا هعترف , من كام شهر جالى واحد واتفق معايا انى اخليه يخ*ف شوية تلاميذ من عندى مقابل انو هيدينى فلوس كتير ودا هيحصل على فترات متباعدة عشان محدش يشك فحاجة لحد ما فيوم كان جايلى هنا وشاف بنتك سألنى هيا مين قلتلوا انها بنت ملك الشافعى واول ما سمع اسمعك لقيتوا اتعصب وقالى انو البنت دى عايزها وانا معترضتش و

ملك : استنى , الكل يطلع بره

طارق : ودا ليه بقه ان شاء الله , انا مش ماشى من هنا

ملك بعصبية اخافت الجميع : قلت برة

خرج الجميع من الغرفة وظلت ملك مع المدير بمفردهم

ملك : كنت بتكلموا فى التليفون ؟؟؟

- ايوة ساعات

ملك : واكيد مسجلوا مكالمات , اصل شغلكوا فى قانون واحد وقت الجد نفسى نفسى وانت اكيد محصن نفسك كويس عشان لو اتمسكت متبقاش لوحدك صح ؟

- صح , المكالمات هتلاقيها متسجلة على التليفون

استمعت ملك الى تلك التسجيلات وقد تعرفت على الصوت بسهولة فصاحب هذا الصوت كان السبب فى معاناتها فى الماضى والأن سبب معاناتها فى الحاضر , أغلقت ملك التسجيلات وألقت بالهاتف فاصطدم بالحائط وتحطم الى قطع على أرضية الحجرة ثم فتحت الباب بقوة وخرجت كأنها اعصار سيحطم كل شيئ أمامه

ملك : انا هوريهم ان مكنت وديتهم للجحيم بايدى مبقاش ملك الشافعى , حاااااااتم

حاتم : انا لله وانا اليه راجعون , خير

ملك : عايزاك تعرفلى فين توفيق العمرواى حالا انت فاهم

مرام : اهدى بس يا ملك وفهمينا ايه الى حصل

ملك : هتعرفوا كل حاجة فى وقتها

طارق : لا ما احنا مش بهايم عشان تجرينا وراكى

ملك : طارق اخفى من وشى السعادى

طارق : وان مممشتش هتعملى ايه

ملك : عايز تعرف هعمل ايه ؟؟

طارق بثقة : ايوة

ملك : تمام اوى , يبقى تعالى معايا وانت هتعرف هعمل ايه

حاتم : الله يرحمك يا طارق كنت طيب والله

وبالفعل اتجهت ملك بصحبة طارق الى مكان مجهول بالنسبة لطارق أما بالنسبة لحاتم ومرام فقد ذهبوا لمعرفة موقع توفيق العمراوى , بعد فترة وصلت ملك وطارق أمام منزل صغير ومنعزل عن الناس وأمرت طارق بالدخول وعندما دخل ض*بته بالعصا على رأسه من الخلف فسقط أرضا ...... وبعد قليل استيقظ طارق ليجد نفسه معلق من يده فى سقف حجرة ما وملك تقف أمامه وعلى وجهها ابتسامة سخرية

ملك : شفت بقه هعمل فيك ايه

طارق بعصبية شديدة : انت اتجننتى , نزلينى حالا

ملك : طب اهدى بس ليجيلك فتاء وتروح مننا , دا حتى لسة فى مفاجأة تانية

نادت ملك على اسمين وهما ريكى ومارتن ولم يكونا سوى كلبين كبيرين للغاية يكاد طولهم يصل الى كتف ملك

ملك : شفت المفاجأة , عجبتك ؟؟؟

طارق بخوف : ملك استهدى بالله وبعدين انت جايبة الكلاب دى ليه !!!

ملك : مفيش اصلى قلت بما انك مطول معانا فتتعرف عليهم , انت بتلعب رياضة صح , اصلى سمعت انك ممكن تلعب رياضة لوقت طويل من غير ما تتعب

طارق بفخر : بالظبط كده

ملك : طيب يبقى ارفع رجلك بقه فى الهوا اصل ريكى ومارتن بقلهم يوم مكلوش

ثم أمرت ملك الكلبان بالتوجه نحو طارق ومحاولة الوصول اليه

طارق بفزع شديد : لا دا انت مجنونة رسمى ماشيهم بسرعة

ملك : امال من شوية كنت عاملى فيها السبع رجالة فى بعض واعملى الى تعمليه وميهمنيش , عشان تعرف بس ان مش ملك الشافعى الى يتلعب معاها

غادرت ملك وسط زهول طارق مما تفعله به تلك المجنونة , خرجت ملك الى الرجل الذى يحرص البيت وقد أمرته بأن ينزله بعد نصف ساعة ثم ذهبت الى مكتبها فهى تريد أن تفكر قليلا فى الخطوة القادمة

تجلس ملك على مكتبها وتضع رأسها بين كفيها وتسترجع ما حدث معها منذ خمس سنوات وراحت بذاكرتها الى ذلك اليوم الملعون الذى حول حياتها الى جحيم وما زال هذا الجحيم يطاردها حتى الأن وبينما هى تسترجع الذكريات فتح باب المكتب ودلف طارق وهو فى قمة غضبة

طارق ( بنبرة عالية) : انت ازاى تعملى فيا كدا , اكيد انت مش طبيعية

ملك( بنبرة هادئة) : طب اهدى بس لحسن يجيلك البواسير وتروح فيها

طارق(بغضب) : ما تحترمى نفسك , انت مفكرة نفسك مين عشان تعاملينى بالطريقة دى وبعدين انا ممكن افعصك تحت رجلى و ...

ملك(بحدة) : قول كلام على قدك يا شاطر وبلاش تلعب بالنار

تملك الغضب من طارق وأصبح لا يرى أمامه وتوجه ناحية ملك بسرعة وحاول أن يسدد لها بعض اللكمات ولكن ملك كانت تتفاداها بمهارة عالية وانتظرت الى أن تعب طارق قليلا وانقضت عليه وأخذت تسدد له لكمات عديدة وفى النهاية ض*بته على منطقة معينة على رأسه من الخلف فسقط على الأرض فاقدا للوعى , وما هى الا لحظات حتى أتى العقيد عمر وحاتم ومرام الى مكتب ملك

حاتم : الله يرحمك يا طارق كنت طيب وابن حلال

العقيد عمر (بغضب): ايه الى هببتيه دا يا ملك , انا مش قلتلك مش عايز مشاكل بس برضو انت مصرة تعملى الى فى دماغك