Wait!
Kanina pa yata ako tulala, hindi ko alam pero kinabahan ako sa sinabi ni Sir Quir. Ngunit, bakit pakiramdam ko parang nagbibiro lang ito?
Ah! Hindi ko alam.
Hindi ko naman napapansin na may gusto na sa akin si Sir Quir. May mga signs ba? Hindi ko alam! Dahil wala naman talaga akong kaalam-alam!
Nanginginig ang kamay ko habang nagsusulat ng schedule ni Sir Quir. Minsan, napapasilip na lamang ako sa mesa niya na ngayon nga'y bakante. Nasa ibaba siya, at may binisita lamang. At hindi ko alam kung paano ko siya haharapin mamaya pagkaakyat niya. Hindi ko rin alam kung paano ko siya tititigan.
Nakakahiya naman kasi, bakit biglang gano'n?
Maswerte ako, dahil talaga namang sa pisikal kami nagsimula... Pagkatapos, nagkakagusto na pala sa akin si Sir... Na hindi ko naman napapansin noon.
