NASA kalagitnaan ng klase si Alpha nang tumunog ang kaniyang ringing tone. Nagbigay siya ng activity sa klase at lumapit sa kaniyang table. Kinuha sa drawer niyon ang device. Dagling sumikdo ang dibdib nang makita niya ang pangalan ni Hunter na naka-register sa screen ng kaniyang mobile phone. She answered the call immediately.
“Hunter...”
“I’m here outside.”
Awtomatiko siyang napatingin sa labas ng classroom, diretso sa labas ng gate sa gawi ng kalsada. Wala siyang nakita palatandaan ni Hunter maliban sa isang asul na kotseng nakaparada roon.
“Oras ng klase ko. Hindi ako puwedeng umalis,” aniya rito. Narinig niyang tila inihampas nito ang kamay sa manibela. “Hey, wala kang sinabing dadaan ka at anong oras. You can’t expect me to--”
“This can’t wait. Hindi rin ako puwedeng maghintay
