“UNA, lilipat agad siya sa bahay ko, sa oras na makasal kami. Hindi ang bahay ko sa village kung saan kayo nakatira, ang tinutukoy ko, kundi ang unit ko sa Maynila.”
Napasinghap si Alpha, habang ang mga kapatid naman niya at ama ay nakaabang sa karugtong na sasabihin ni Hunter.
“Pangalawa, magpa-file kami ng annulment, sa oras na maipanganak na niya ang dinadala niya ngayon.” Makahulugan siyang tinitigan ni Hunter.
Nasaktan siya sa sinabi nito. Kung makapagsalita ito ay tila balewala siya para rito. Tila ba hindi na ito ang Hunter na nagpakita ng pagmamahal at paglalambing sa kaniya ilang linggo pa lamang ang nakalilipas.
“At pangatlo...”
“Sumosobra ka na, lalaki ka ha!” sigaw ng daddy ni Alpha sabay lakad palapit rito, pero madali itong naagapan ng tatlo niyang mga kapatid. “Bakit
