“NAKAGAWIAN na sa pamilyang ito ang tahimik na pagkain. Maaaring mag-usap, pero hindi ang gumawa ng isang mabigat na desisyon sa harap ng hapag-kainan. Ngayong tapos na tayong kumain ng hapunan, marahil ay puwede na tayong magsimulang mag-usap nang maayos, Hunter.”
Bahagya lang tumango si Hunter. Nakatutok pa rin sa pinggan ang mga mata nito.
“Would you like to say anything, aside from your rules?” seryosong tanong ng Kuya Marlon niya, habang nanunuot ang titig kay Hunter.
“I want a simple wedding. No invited friends and relatives. Hindi naman natin kailangang ipagsigawan sa buong mundo na nagdadalantao ang anak niyo, at kailangan kong pakasalan, hindi ba?”
“Enough with sarcasm, Mr. Patrick Valmadrid aka Mr. Hunter Verrano. Hindi ko alam kung saan ka humuhugot ng tibay ng dibdib para m
