“Tila nawalan ng hangin ang loob ng elevator. Parang ang hirap huminga. Walang imikan si Patricia at Ysabelle, na tila pinapakiramdaman ang isa’t-isa. Panay ang lihim na paghingang malalim ni Patricia.
Nang bumukas ang elevator ay agad na lumabas siya. Ngunit kung mabilis ang kilos niya ay mas mabilis ang kilos ni Ysabelle. Naunahan siya nitong lumabas. Nilagpasan siya nito at tuloy-tuloy na tumungo ng living room. Pawis na pawis ang ito. Katunayan kumikintab ang makinis na leeg at balikat nito dahil sa pawis.
Nang tuluyan na mawala ito sa paningin niya ay saka lamang siya nakahinga ng maluwag. Hindi sa natatakot siya kay Ysabelle. Ayaw niya lang talaga ng gulo. Umiiwas siyang makasakit ng kapwa.
Pilit na iwinaglit niya sa isip ang presensiya ni Ysabelle. Tuloy-tuloy na tumungo siya sa
