الفصل السابع

1211 Words

الحلقه السابعه من روايه عشقته في **ت بقلمي مروه محمد في منزل شذي في المساء سيف:ها أخبار المذاكره ايه شذي:الحمد لله ماشيه بس فيه مواد رخمه ومواد سهله سيف:ركزي شويه يا هانم امتحاناتك بعد اسبوعين شذي:ربنا يستر،، صحيح بابا وماما جايين امته سيف:على الأسبوع الجاي بإذن الله شذي:طب ومريم وافقت ولا ايه سيف:اها الحمد لله وافقت اخوكي مش قليل يا ماما شذي بضحكه:يا راجل سيف:احم احم مبحبش اتكلم عن نفسي شذي:يا عيني قال ايه الواد متواضع اووي سيف:طبعاً،، قوليلي بقى مصاحبه مين وأخلاقهم عامله ازاي شذي:عندي أصحاب كتيير،، بس مافيش غير اتنين قريبين مني مروه ونور وأخلاقهم كويسه جدا جدا متقلقش على اختك سيف بضحكه:انا مش قلقان عليكي انتي انا قلقان على اصحابك شذي:هههههه سيف:ربنا يهد*كي ويرزقك بالصحبه الصالحه دايما يا رب شذي:يا رب احكيلي بقى عن صحابك انت كمان وأخلاقهم عامله ازاي سيف:ماعنديش غير تلاته بس محمود وحمزة وحسام محمود شاب ملتزم ما شاء الله وحمزة أخلاقه كويسه إلى حدا ما وحسام ربنا يهديه ويرشده لطريق الخير شذي:ايه حكايه حمزه وحسام دوول سيف:حمزه محترم بس كان فيه عيب واحد انه كان بيكلم بنت معانا في الدفعه بس هي باعته عشان الفلوس وهو صعبان عليا اووي لأنه حبها بجد ومن قلبه، اما حسام مقضي حياته فيس وبنات وسجاير بس بيحاول يغير من نفسه وانا شايف التغيير ده ومع ذلك كله بس قلبه طيب شذي:طب حسام هيتغير ازاي بسهوله كده سيف:حسام قلبه طيب محتاج بس حد يساعده وهو نفسه يتغير للأحسن بس مش لاقي فرصه شذي:ربنا يهديه شعرت شذي بعد كلام سيف عن حمزه بأن فرصتها قد أتت لها على طبق من ذهب لتدخل في حياه ذلك الشاب سيف:روحتي فين يابنتي شذي:ها مافيش انا معاك اهو يلا قوم نام عشان كليتك سيف:تصبحي على جنه شذي:وانت من اهلها ......................... عشقته في **ت بقلمي مروه محمد............. في منزل نور بالتحديد في حديقه منزلها كانت تجلس صديقتها مروه على الارجوحه وامامها حوض به أزهار في غايه الجمال إلى أن أتى عمر ومشى ببطئ شديد إلى أن وصل إلى تلك الارجوحه ووضع يديه على عيني مروه ظناً منه بأنها نور عمر:حبيبت قلبي اللي قاعده سرحانه مروه بخضه:ها في ايه عمر بحرج:اسف فكرتك نور مروه احمر وجهها خجلاً ولم تستطع الرد هذه المره عمر:آسف بجد يا انسه مروه وقام عمر بالتوجه إلى غرفته وفي طريقه وجد اخته نور ولكن لم ينطق بشئ وظهر على وجهه ملامح الضيق الشديد نور:فيه ايه يا مروه واقفه كده ليه وعمر واخد في وشه ده حتى ما قاليش ازيك مروه بحرج:بصراحه هو فكرني انتي اللي كانت قاعده هنا وجيه وحط ايده على وشي نور:يا خبر ده زمانه هيولع فيا انتي متعرفيش عمر،، عمر اخويا مبيحبش انه يلمس بنت لا تحل له عايز اول لمسه منه تكون لحلاله بس مروه:طب انا لازم امشي مع السلامه نور:استنى بس اقعدى معايا شويه كمان بالله عليكي مروه:مش هينفع صدقيني سلام وذهبت مروه وظل قلبها يخفق بشده اثر لمسه ذلك العمر لها هادم اللذات كما أطلقت عليه ......................... ََََ ذهبت مروه إلى منزلها ولم تدري بأن هناك عاصفة تنتظرها الوالد:كنتي فين يا هانم مروه:كنت عند نور يا بابا الوالد:انتي قولتيلي انك راحه عند زفته مروه:انا قولت لماما وبعدين اسمها نور يا بابا مش زفته الوالد بعصبيه:وكمان بتردي عليا طب ماشي وقام بخلع حزامه ونزل فوق تلك المسكينه بالضرب جاءت الأم على صوت صريخ ابنتها الام:خلاص يا حاج حقك عليا سامحني هي قالت ليا وانا نسيت اقولك الوالد:اسكتي انتي يا هانم وحسابك معايا بعدين مروه ببكاء:خلاص والله يا بابا آخر مره مش هعمل كده تاني اسفه والله مش هعمل كده تاني ولكن لا حياة لمن تنادي فلم يتأثر ذلك الأب بكلمه واحده من ما قالته ابنته الوالد:اخرسي خالص ما اسمعش صوتك يا بنت مش كفايه إن أول خلفتي بنات امشي غوري من وشي ذهبت إلى المسكينه إلى غرفتها والدموع تنزل من عينها بغزارة شديده ولم تدري لما يعاملها ذلك الأب بتلك القسوه ماذنبها إن كانت فتاه لما يفكر في بتلك الطريقة ألم يعلم بأنه لولا وجود حواء على كوكب الأرض لما كان موجود الآن بل لما وجدت تلك البشريه بأكملها مروه:يا رب والله حرام اللي بيحصل فيا ده انا ذنبي ايه يعني ودخلت الأم لتحتضن ابنتها الام:خلاص بقى يا بنتي متزعليش حقك عليا مروه:خلاص يا ماما مش زعلانه الام:ايوه كده يا حبيبتي يلا قومي اتوضي وصلى ربنا يهدي ابوكي مروه:حاضر يا أمي،، وقامت مروه بالوضوء وصلت وظلت تدعو الله وبعد الانتهاء ذهبت لتكتب في يومياتها (رفيقي المجهول اكتب لك الان والدموع تنهمر من عيني ولا تتوقف احتاج لك لتربت على قلبي لتاخذني في حضنك الدافئ وتقول لي اطمئني حبيبتي فأنا بجوارك الان الن تأتي لتاخذني من هذا المنزل الذي معاناتي فيه أكبر من فرحي لا أعلم بما تمر به الان ولكن اتمنى ان تأتي قريبا في رعاية الله ❤) وختمت مروه يومياتها وذهبت للنوم في سبات عميق ......................................... في منزل حسام فاطمه:قوم يا حبيبي يلا عشان تصلي الفجر حسام:حاضر يا أمي قومت اهوو فاطمه:ربنا يهد*ك يا ابني قام حسام وتوضأ وذهب ليصلي الفجر في ذلك المسجد الذي يقع بالقرب من منزله وظل ينصت إلى ما يتلوه الشيخ وهو يتلو الآيات وشعر بأن تلك الايه رساله له من الله قال تعالى (ألم يأن للذين ءامنوا أن تخشع قلوبهم لذكر الله وما نزل من الحق ولا يكونوا كالذين أُتُوا الكتاب من قبل فطال عليهم الأمد فقست قلوبهم وكثير منهم فاسقون. صدق الله العظيم) وعندما سجد وجد الدموع تنهمر من عينيه لا اراديا وظل يدعو الله أن يقربه منه ظل هكذا حتى انتهى الشيخ من الصلاه وذهب الإمام ليراه الإمام:قوم يا ابني مالك حسام بحزن:نفسي ارجع لربنا اووي ومش عارف انا غلطت كتيير في حقه كلمت بنات وشربت سجاير وحاجات تانيه يا عم الشيخ الإمام:اهدي كده يا ابني ربك غفور رحيم ربك بيغفر اي حاجه الا الشريك بيه وطالما انت عندك النيه انك تتوب وصادق في توبتك يبقى ربك هيغفر ليك.. متزعلش يا ابني ربنا بيفرح اووي بالعبد العاصي اللي بيرجع ليه تائب حسام وقد شعر براحه:ربنا يبارك فيك حضرتك متعرفش كلامك ده عمل فيا ايه شكرا بجد الإمام:الشكر لله وحده احنا كلنا أسباب ........................ َ...... َ. في صباح اليوم التالي (حدث ما يفرح وحدث ما يدعو للحزن) نور:صباح الخير يا مروتي مروه:صباح الخير يا نوري نور:حاسه انك مبسوطه كده فرحيني معاكي مروه:ابدا ياستي حلمت خير اللهم اجعله خير اني واقفه في مكان كله خضره ولبسي واسع وشكلي حلو وفيه شاب أمور جاي نحيتي ومسك ايدي وقالي متخافيش انا جمبك وبدعيلك وهاجي ليكي يا نور عيني في الوقت المناسب قلت لسه بس انا محتاجلك جمبي قالي متخافيش وبعدها مشي نور:ربنا يفرح قلبك يا رب ويرزقك بالزوج الصالح مروه :يا رب صحيح اخوكي جاي من السفر أمته نور:كمان شهر كده هيخلص الدكتوراه ويجي مروه بقلق:يجي بالسلامة؛؛ مش عارفه ليه قلقانه على شذي ربنا يستر وتكون بخير نور بحزن:ربنا يهديها انا خايفه ان الشيطان يضحك عليها وتكلم الشاب ده وأتت شذي ولا تعلم ما الذي سيحدث لها بعد فعلتها الحمقاء تلك شذي ويبدو عليها الحزن:مروه انا كلمت حمزه. نور بصدمه:نعم شذي بندم:بقول كلمته مروه:وده حصل ازاي شذي:فلاش باك امبارح فضلت قاعده افكر لحد ما عملت اكونت وسميته الزهره البيضاء وبعت ليا ادد بس ما اقبلش كلمته على الماسينجر شذي:السلام عليكم ازيك يا باشمهندس حمزه حمزه:الحمد لله مين؟؟ شذي:انا معجبه بيك اوووي هو حضرتك مرتبط حمزه:يخصك في ايه مرتبط ولا مش مرتبط وبعدين انا مبكلمش بنات شذي:بس انا بحبك حمزه:افندم ما قولنا ما بكلمش بنات #عوده من الفلاش باك مروه:وسيادتك جايه تقولي لنا نساعدك شذي:بصراحه اها من ساعه ما كلمته وانا حاسه اني رخيصه نور:احنا نصحناكي يا شذي صح ولا لأ شذي:اها صح مروه :أحمدي ربك انه ميعرفش إن صاحبه اخوه اللي كلمته نور:يلا يا مروه نمشي شذي:استنوا يا بنات ولكنهم ذهبوا وتركوها تفكر في فعلتها الحمقاء تلك #رايكم في الحلقه دمتم بخير

Free reading for new users

Scan code to download app

App Store Google Play

Facebookexpand_more