الفصل الثالث عشر

1462 Words

#الحلقه الثالثه عشر من روايه عشقته في **ت بقلمي مروه محمد ? مش مهم مين غلطان ولا مين يبدأ العتاب المهم نفضل جمب بعض مش معقول نفترق بكل سهوله كده ازاي واحنا طول عمرنا اخوات قبل ما نكون أصحاب طوول عمرنا بننصح بعض بنقف جمب في وقت الشده قبل وقت الفرح معقوله كل ده ينتهي بكل بساطة لمجرد سوء الظن اميره:مالك يا شذي قاعده لوحدك كده ليه شذي بحزن:مافيش اصحابي مجوش انهارده المدرسه وانا قلقانه عليهم وبتصل محدش بيرد اميره بخبث:ولا يهمك يا حبيبتي انا هقعد معاكي ده لو مش هيضايقك شذي بطيبه:اها طبعاً اتفضلي اميره:عامله ايه بقى شذي:الحمد لله ماشي الحال؛؛ صحيح هو انتي لسه بتكلمي مروان أميره بابتسامة مزيفه:ايوه؛ انتي متتخيليش بكون فرحانه اد ايه وهو بيكلمني ومهتم بيا وكل يوم خروجات وفسح شذي بإنتباه:ايه ده بجد؛ بس ده غلط اميره:لا مش غلط طالما بنحب بعض وأهلي عارفين كده شذي بصدمه:نعم اهلك كمان عارفين وسايبينك كده اميره:اها يابنتي عادي؛ اهلي مش معقدين يعني والحب مش حرام شذي بحيره:بس كده حرام مافيش اي رابط بينك وبين مروان ده اميره:مروان هيجي يخطبني في الإجازة وطالما انا مبسوطه معاه يبقى فين المشكله شذي:وبتتكلمي معاه عادي ازاي؛ بتقولي كلامي الحب والحاجات دي اميره:اها يابنتي امال هعرفه اني بحبه ازاي وايه المشكله لما اقوله بحبك هو الحب حرام متبقيش معقده زي صحابك دوول انا مش عارفه انتي مصاحبهم ازاي الاتنين دول عاملين زي الغفر دول ناقصهم نقاب ويبقوا شبه العفاريت والا الشوال ده اللي بيلبسوه حاجه كده تخنق شذي بضيق:لو سمحتي يا اميره ما تتكلميش عنهم كده؛ وبعدين ياريت اكون زيهم على الأقل لبسهم واسع مش ضايق ولا بيحطوا حاجه على وشهم ولا بيبينوا شعرهم من الاخر كده محافظين على نفسهم?? اميره:ودول لا يعرفوا حاجه عن الحب ولا ليهم في الطور ولا في الطحين شذي:لا ياختي بيعرفوا يحبوا بس محافظين على قلوبهم للي يستاهلها مش زي ناس سيرتها على كل لسان اميره:قصدك ليه يعني شذي:لا ما اقصدش حاجه كل واحد عارف نفسه اميره:وانتي بقى يا شوشو عمرك ما حبيتي شذي بإرتباك :لا وهحب مين أميره بشك:لا شكلك كده بتحبي احكي احكي متخافيش لم تعلم شذي ماذا تفعل في تلك اللحظة فهى بحاجه الى شخص تتحدث معه ولكنها ظنت بأن أصدقائها قد تخلوا عنها ولم تفكر بأنهم قد يكونوا في مشكله أو مأزق فربما هم بحاجة إليها أكثر منها ألم تعلمي يا شذي بأن بعض الظن إثم ألم تفكري ولو قليلا بأنهم أصدقاء عمرك ومن المستحيل أن يتخلوا عنكي الا تذكرين نصائحهم لكي شذي:بصراحه فيه؛ انا بحب صاحب اخويا بحبه اووي ومش عارفة اعمل ايه اميره:طب ليه مفكرتيش تكلميه شذي:ما انا كلمته مره وقالي مبكلمش بنات اميره:وانتي برضو صدقتي يا هبله انه ما بيكلمش بنات مافيش ولد اسمه مكلمش بنت قبل كده انتي بس محتاجه تلفتي انتباهه شذي:معقول كل الشباب كده أميره:ايوه طبعا اساليني انا شذي:طب اعمل ليه دلوقتي أميره:كلميه عادي اساليه عن سيف اخوكي بحجه انه بقى عصبي وهتلاقي حوار جاب حوار وساعتها هيحبك ويجي يتقدم شذي بحيره:تفتكري اميره:ايوه يابنتي اسألي مجرب ما لكي يا شذي لتصدقي تلك الشيطانه وما تقوله لكي لما التعجل يا فتاتي فمن تعجل شيئا قبل أوانه عوقب بحرمانه لو كان حمزه خيراً لكي سيأتي لا مفر فلقد كتب الله لكي نصيبك منذ ولادتك لما تريدين تلويث قلبك بالحب الحرام حينها فقط لن تشعري بحلاوة وجمال الحب الحلال ألم تقولي بأن هناك كثير من الفتيات يحببن من قلوبهن ويحافظون على ذلك الحب ويكبر مع الأيام لما غيرتي كلامك الآن ألم تعلمي بقوله تعالى (اتأمرون الناس بالبر وتنسون أنفسكم أفلا تعقلون ?) ظلت شذي تتذكر ما حدث معها كيف كانت وكيف أصبحت كيف كان لها صحبه صالحه كانوا يرشدونها إلى طريق الخير ولكن كيف السبيل لاقناعها بأنهم مشغولون عنها في شئ آخر محزن لقد تركتيهم من أجل صحبه سيئه والآن ما جزاءك غير دموع الندم والآهات ..................................... عمر:ايه ياستي نور اقول لحازم يجي امته نور بإستعباط:حازم مين يا عمر ما انت عارف اني ما بكلمش ولاد وكمان عوزني اصاحب ولاد لا ده انت أخلاقك باظت عمر بعصبيه:ايه هششش راديو واشتغل حازم العريس يا نور وبلاش استعباط الواد الغلبان ق*فني اتصالات مش عارف والله عاوز يخطبك على ايه نور بتفاخر:ايه يا عم وهو يطول اصلا يخطب واحده زيي في جمالي وحلاوتي ورقتي يا بتاع مروه عمر:اها قولتيلي حلاوتك وجمالك مين الأعمى اللي قالك كده وضحك عليكي ياختي نور:المتخلف ده يبق لم تكمل نور حديثها حيث فوجئت بعمر يرش عليها زجاجه من الماء لذكرها اسم محبوبته عمر:قولتلك ميت مره متجبيش سيرتها يا زفته نور:وانت مالك انت صحبتي واتكلم عليها وقت ما احب وبعدين انت مالك اصلا بيها يا هادم اللذات انت عمر:اللي متعرفيهوش يا هانم انها هتبقى مراتي إن شاء الله ومن الآخر كده بغير عليها حتى منك ومحدش يقولي هادم اللذات دي تاني وحسابها عسير معايا اللي طلعت عليا الاسم ده امها داعيه عليها خميس وجمعه نور:هيييح بقي اوعدنا يا رب انت قولتلي حازم جاي أمته عمر بضحكه:عجبت لك يا زمن من شويه مكنتيش تعرفي مين حازم انتي هبله يا بت ربنا يصبرك يا حازم يا رب على العموم هقوله يجي يوم الجمعة مناسب ولا ايه نور بتسرع:ايوه مناسب وهو انا حد اتقدملي غيره وقولت لأ عمر:ههههه يا بايره يا بت اتقلي كده الواد كده هيطفش ههههه نور:ايه يا عم انا بهزر ده العرسان طوابير بس النفس بقى وبعدين فيه خرم في السما لو دعيت هتلاقي السما بتمطر عرسان عمر:ههههه طب مافيش عرايس نور:ايه يا عم غيرت رأيك ولا ايه عمر:لا طبعاً بإذن الله محبوبتي هتكون في بيتي قريب نور:ماشي يا عم الله يسهل له ............................... في المستشفى عامر:خير يا دكتور طمني الدكتور:خير بإذن الله احنا عاملنا اللي علينا والباقي على ربنا للأسف هو دخل في غيبوبه واحتمال معتش يتحرك لفتره ربنا يشفيه عن اذنك عامر بحزن على صديقه فهمها ص*ر منه سيظل صديقه:شكرا يا دكتور ذهب عامر عند باب الغرفه وعندما رأي صديقه والأجهزة تحيط به من كل مكان معقول ده هاني اللي كان بيض*بني من شويه معقول الموت قريب مننا كده فعلا الإنسان ده ما هو اللي ل**ن ربنا يشفيك وتقوم بالسلامه يا ترى يا هاني لو مت دلوقتي هتكون خلاص دي نهايتك موته السوء بسرعه كده الموت بيجي على فجأه فعلا الموت ميعرفش عزيز .................................... الام:نورا يا نورا نورا:نعم يا ماما الام:تعالى يا بنتي عايزه اتكلم معاكي في حاجه نورا بقلق:خير يا أمي الام:بصراحه كده جايلك عريس من قبل ما ترفضي اقعدى معاه الأول وشوفيه يمكن تغيري رايك ويكون المره دي نصيبك نورا:يا ماما ما انتي عارفه اني مش موافقه على الموضوع ده دلوقتي الام:يا بنتي نفسي اشوف عيالك قبل ما اموت نورا:بعيد الشر عنك يا قلبي وعريس الغفله يطلع مين وجاي أمته الام:هو جاي كمان ساعه ويطلع مين خليها مفاجأه. نورا بإستسلام :ماشي يا أمي الام:طب يالا قومي البسي نورا:عيوني وبعد مرور الوقت جاء العريس المنتظر نورا بشهقه:ايه ده انت هشام:ايوه انا يا قطتي نورا:بارد الام:منور والله يا هشام يا ابني امال بابا مجاش معاك ليه هشام:ده نورك يا عمتي؛؛ ما انتي عارفه جدي صحته على اده بس بإذن الله هيجي المره الجايه نورا في سرها:عشم ابليس في الجنه هشام:بتقولي حاجه يا نورا نورا:ابدا بكح؛؛ المهم تتسسم ايه قصدي تشرب ايه هشام:قهوه مضبوطه نورا:ثواني وتكون عندك ذهبت نورا إلى المطبخ وقامت بتحضير القهوة ولكن النفس اماره بالسوء ولا تخلو من المقالب. قامت نورا بوضع الملح في القهوه بدلا من السكر نورا بابتسامة:اتفضل يا رب تعجبك قام هشام بشرب اول رشفه هشام:كح كح ايه ده انتي متخلفه يا زفته نورا بتمثيل:شايفه يا ماما بيشتمني ازاي انا مش عايزه اتجوزه الام:فيه ايه بس يا ابني هشام:مافيش يا عمتي معلشي ممكن تسبيني اتكلم معاها لوحدنا الام:اها طبعا يا حبيبي نورا:ارغي يا عم انت عايز تقول ايه هشام:اللي يشوفك يقول ملاك وانتي استغفر الله العظيم شيطان فيه واحده تلبس عبايه سوده وخطيبها جاي نورا:مش انا عملت يبقى فيه يا اخويا ومين قالك اني موافقه اصلا هشام:وهو انتي تطولي نورا:ايوه طبعا أطول وأطول من كده كمان بطل بس التكبر ده يا ابن خالي بس ايه رايك في القهوة هشام بابتسامة خبث:جميله اووي يا سندريلا متقلقيش كله هيطلع عليكي في الاخر يا حبيبتي نورا:يا عم اتنيل ولا تقدر تعمل حاجه قام هشام من مقعده وقرب من نورا إلى حدا كبير نورا:ايه انت بتعمل ايه انت اتجننت يالا هشام:تعالى بس يا سندريلا هقولك اصل فيه صرصار واقف عليكي نورا بصريخ:ايييه شيله يا هشام شيله انا بخاف هشام:عيون قلب هشام قام هشام بتقبيلها من جبهتها نورا:ايه ده انت بتضحك عليا. ماشي يا بارد إن ما وريتك وبعدين انا مش موافقه من الأساس هشام:صدقيني هتوافقي يا سندريلا هتوحشيني الكام ساعه دوول ............................ في منزل نور دخلت مروه إلى حديقه المنزل على اتفاق مع صديقتها نور برغم من دخول كل منهم إلى كليه مختلفه ولكن لا يزالون على اتصال كانت مروه سارحه في جمال تلك الحديقه وتتمنى أن يكون منزلها المستقبلي يوجد به مثل تلك الحديقه ولكنها فاقت من شرودها إثر اصطدمها بشاب مروه بصدمه:انا اسفه والله مخدتش بالي الشاب:مافيش مشكله انا اللي اسف مروه:ايه ده دكتور ازيك هو حضرتك بتعمل ايه هنا الشاب بابتسامة:تقدري تقولي مقيم هنا ممكن بعد اذنك يا انسه مروه رقم والدك مروه:ليه يا دكتور هو انا عملت حاجه الشاب:لا معملتش بإذن الله كل خير مروه:اتفضل نور:ايه ده ميرو انتي كنتي واقفه مع عمر العاشق الولهان مروه بصدمه:نعم ياختي عمر مين طب ازاي انا قولت برضو فيه حاجه مش طبيعيه نور:تعالى وانا افهمك اصل...... #مروة_الشربيني

Free reading for new users

Scan code to download app

App Store Google Play

Facebookexpand_more