Third Person POV
Pagbalik sa Makati, para bang nag-flip ng switch ang mundo. Ang mga fairy lights ng Burnham at ang malamig na hangin ng Baguio ay napalitan ng init at ingay ng lungsod. Muling bumalik sa normal ang mga tunog—keyboard clicks, tunog ng elevator, at mga cellphone na walang tigil sa pagtunog.
Si Celine, kahit medyo bitin pa sa mga alaala ng Baguio trip, naglagay ng focus mode habang nag-aayos ng slides para sa quarterly report. Suot niya ang simpleng beige na blazer na paborito niyang “lucky charm,” at sa loob-loob niya, nagdarasal siya na hindi siya ma-jam sa projector ngayong araw.
Sa kabilang banda, si Lance ay nasa kabilang dulo ng boardroom, nakasuot ng navy suit. Malayo ang anyo niya—relaxed pa rin pero may ibang klaseng tikas. Hindi alam ni Celine na sa bawat pagkak
