Hindi alam ni Celeste kung bakit parang mas maaga siyang nagising ngayong umaga. Baka dahil sa gulo ng olive oil fiasco kagabi—o baka dahil sa aliw na nadama niya sa presensya ng babaeng iyon. Habang nagme-makeup, paulit-ulit niyang naaalala ang tawa ni Celine at ang mug na “Kalma lang, may kape.” na binili nila. Nakakagaan ng loob, bulong niya sa sarili.
Pagdating niya sa kumpanya, handa na siya para sa follow-up meeting ng board. Gaya ng nakasanayan, professional ang mukha niya: postura ang buhok, neutral ang lipstick, at may kasamang aura ng CEO mom. Pero may kakaibang sigla siyang dala—parang may alam siyang sikreto na siya lang nakakaalam.
Pagbukas niya ng glass doors ng conference floor, nakita niya ang ilang staff na nagmamadali. Tahimik niyang sinundan ang isa sa mga empleyado pa
