"JHOVIE, Lester... gising! Gumising na kayo!" ani Catherine na may kasamang pagtapik sa dalawang kapatid.
"Ate?" turan ng pupungas-pungas na si Jhovie.
"Aalis na tayo. Umaga na..."
Biglang rumehistro ang takot sa mukha nina Jhovie at Lester. Alam niya na sariwa pa sa mga ito ang mga naganap kagabi. Nandito pa rin sila sa kuweba kung saan sila nagpalipas ng magdamag. Maswerte na rin talagang matatawag dahil hindi sila dito nakita ng mga pumatay sa kanilang daddy.
Takot na takot na sumiksik si Jhovie sa isang tabi habang yakap ang mga tuhod. "A-ayokong lumabas dito, ate. B-baka nasa labas pa sila!"
"Jhovie! Hindi tayo pwedeng magtagal sa lugar na ito. Makikita at makikita nila tayo dito. Kailangan na nating umalis!"
"Tama si Ate Catherine..." sang-ayon naman ni Lester.
Sa wakas ay nak
