"Anong ginagawa mo doon, ha?!" Sigaw ni kuya sa akin pagkahinto pa lang namin sa harap ng bahay.
Hindi ko naman kasi alam na pupunta pala siya doon sa bar. Ang sungit niya pa kanina kay Krisha sa bar bago niya ako higitin sa braso palabas.
Naanatili akong nakayuko habang nilalaro ang cellphone sa kamay, "Niyaya lang kao ni Krisha-"
"Kahit na, Max Clara!" HInampas niya pa ang manibel kaya mas lalo akong kinabahan. "Ang bata bata niyo pa para pumunta doon!" Napabuntong hininga siya saka tumingin sa akin.
"HIndi naman sa ganoon kuya," mahinhin kong sabi. Dahan dahan ko ring inangat ang tingin ko saka tumingin sa kaniya. "Saka ka-darating lang namin sa loob noon bago mo ako makita."
Sa tingin ni Kuya sa akin ay parang mangangain na siya ng buhay na tao. Wala naman akong ginagawa roon...
