Mabilis ang naging kilos ni Ethan sa kanyang sariling silid.
Matapos ang mabilis na shower at pag-aayos ng sarili, saktong 6:00 AM ay nasa dining area na siya para mag-almusal.
Habang hinihigop ang kanyang kape, ang isip niya ay nahahati sa pagitan ng mga kasong lilitisin at sa kalagayan ni TJ na naiwan sa itaas.
Eksaktong 6:30 AM, tumayo na siya para umalis, ngunit saktong pababa naman ng hagdan si Lolo Ricardo.
"Good morning, Ethan," bati ng matanda.
"Good morning, Lo. Alis na rin po ako. Si TJ po ay tulog pa," sagot ni Ethan habang isinusukbit ang kanyang laptop bag.
"Hinabilin ko na lang po kay Manang ang mga gamot ni TJ. Sabi ko pakainin siya sa tamang oras—at kapag ayaw sumunod, tawagan ako agad."
Napatigil si Lolo at tiningnan siya nang may halong pambubuska. "Pumayag ba s
