Hindi nakatiis si TJ. Pagkatapos ng ilang minutong pakikipagbuno sa sariling isip, mabilis siyang lumabas ng kanyang kwarto at tumuloy sa tapat ng pinto ni Ethan.
Tok! Tok!
"Ethan..." tawag niya.
Hindi pa man siya nakakatatlo sa pagkatok ay biglang bumukas ang pinto.
Hindi na hinintay ni TJ na yayain siyang pumasok; dire-deretso siyang naglakad papasok sa loob, nilampasan ang gulat na si Ethan, at prenteng naupo sa gilid ng kama ng binata.
"Ano 'yun, Ethan?" tanong ni TJ, tila ba siya ang may-ari ng silid.
Napatanga si Ethan bago dahan-dahang isinara ang pinto.
"Anong ano 'yun? Ikaw ang pumasok bigla rito tapos tatanungin mo ako kung anong ano 'yun? At saka hindi ka ba pwedeng maghintay na papasukin muna kita bago ka dumeretso sa kama ko?"
Napanguso si TJ at tumingin sa kanya nan
