Hingal na hingal siya nang makarating siya sa terminal ng bus. Palinga-linga siya sa paligid dahil baka sinundan siya ng mga magulang niya.
Nang akma siyang sasakay sa bus ay may humawak nang mahigpit sa braso niya kaya napatili siya.
“Hey, what happened?” Napahinto siya sa pagsigaw nang mabosesan niya ang lalaki. Napakapit siya sa laylayan ng damit nito habang palinga-linga pa rin sa paligid. Mabuti na lang at nandito si Jordan. “May humahabol ba sa iyo?”
“Hindi ko alam.”
“Pauwi ka na ba sa Manila?” tanong niya rito. “Kung pauwi ka na, p’wede ba akong sumabay sa iyo?”
Mariin siya nitong tiningnan habang nagtatanong ang mga mata nito. “Mamaya ka na magtanong sa akin. Gusto ko na kasing makaalis dito, eh.”
“Saan ka pupunta?”
“Bahala na.”
Tumango ito at kagaya ng sinabi niya ay inaka
