“Macky, sobrang sakit na ng tiyan ko,” mahinang sabi niya habang kinakalabit ito. “Hindi ko na kaya. Ngayon na yata ako manganganak.”
“Ha? Bakit? Ano’ng gagawin ko? Wait!” Kinuha nito ang cellphone nito at halos sirain nito iyon sa kapipindot.
“Ano ba’ng ginagawa mo? Sino pa ba ang tinatawagan mo?”
“Nasaan ka? Pumunta ka agad dito sa bahay dahil kailangan kita! Bilisan mo!” sabi nito sa kausap nito at agad na pinatay ang tawag saka ito nagmamadaling asikasuhin siya. “Baby, take a deep breath, okay? You can do this. We can do this.”
“Kunin mo na ‘yong gamit ng bata pati na rin ‘yong gamit ko at pagkatapos magmaneho ka na papunta sa ospital dahil…” Paulit-ulit siyang bumuga ng hangin. “Hindi ko na kaya.”
“Okay.” Um-action ito sa harap niya kung paano ang gagawin niyang paghinga kaya wal
