Habang kumakain si Callynn ay panaka-naka siyang napapangiwi at napapabuga ng hangin.
Pakiramdam niya, inubos ni Macarius ang lakas niya kagabi. Nakasandal ang ulo niya sa headboard ng kama habang pinapakain siya ni Macarius.
“Bakit?” Nakita siguro nito ang pagngiwi-ngiwi niya kaya napahinto ito sa pagsubo sa kaniya.
“Ang hapdi,” anas niya. “May gamot ba para dito?” Hanggang ngayon ay wala pa siyang saplot sa buo niyang katawan.
Kumot lang ang kaisa-isang gamit na bumabalot sa kahubaran niya. Gusto siyang bihisan ni Macarius pero sinabi niya na mamaya na lang dahil maliligo pa siya pagkatapos niyang kumain.
Tumango ito. Marahil ay nakuha nito ang ibig niyang sabihin lalo pa’t ito ang may gawa. “Bibilhan kita mamaya pagkatapos mong kumain.”
“Saan?”
“Sa sentro.”
Tumango siya. “Par
