“Good morning, sweetheart!” Nagulat si Callynn nang sumulpot sa harapan niya ang mga taong nagpanggap na magulang niya. Nanlaki tuloy ang mga mata niya dahil hindi niya inaasahan na makikita pa ang mga ito. “Are you happy to see us?”
“Ano po ang ginagawa niyo rito?” Hindi niya ipinahalata na natatakot siya sa mga oras na ‘to kahit pa nga para siyang maiihi sa kaba.
“We’re your parents, right? Wala ba kaming karapatan na dalawin ang anak namin?” tanong ng ama niya kuno. “Kumusta ka na?”
“Ayos lang ako rito,” sagot niya sa lalaking nagpanggap na ama niya. “Bakit nga pala kayo nandito?”
“Bakit nga ba kami nandito?” balik na tanong nito sabay ngisi. “Nandito kami ng mama mo para kunin ka kay Macarius dahil hindi kayo p’wedeng magsama. Alam mo naman siguro ang dahilan kung bakit, ‘di ba?”
