انتصار الحب مكتملة

الحلقة 1 إنتصار الحب في بيت كبير مكون من طابقين منفصلين ينزل الجد ابراهيم من سلالم طابقه العلوي ليدق باب شقة ابنه محمود دق الباب فاتجهت زينب زوجة ابنه لتفتح الباب له فهي تعرف طرقاته جيدا زينب : أهلا يا بابا اتفضل الجد : في حد هنا ول ارجع زينب بابتسامة : اه يا بابا لس نايمه تحب اصحيها لك الجد بابتسامة عريضة : لا يبنتي سيبيها نايمه انا هستناها زينب : البيت بيتك تشرب حاجة او احضرلك الفطار الجد : أنا حفطر مع ريم لما تصحى ___________________ في غرفة ريم بطلة حكايتنا غرفة بنوتة جدا لونها وردي سرير صغير ناعم ودولاب كبير وكتب بنات ولاب توب قامت من نومها بتكاسل انهارده اجازة نفسها تفضل طول اليوم نايمة بس مش قادرة لازم تقوم تقعد مع عيلتها وخصوصا جدها الجد قاعد في الصالون بسبح بالمسبحة دخلت عليه ريم ريم : جدي حبيبي وحشتني أوي الجد : يا كدابة لو كنت وحشتك كنتي طلعتيلي فوق ريم : حاضر حبقى اطلعلك طمني صحتك عامل ايه الجد : كويس كل الي ناقصني اني اتطمن عليكي ويأخذها في حضنه قوليلي عاملة ايه في جامعتك ريم : كويسة ياجدي كل عال العال الجد : ربنا يطمنك يابنتي ويفرحني بيكي يارب قوليلي اخواتك عاملين ايه احكيلي كل حاجة ريم : حاضر ياجدي ريم : بصراحة أسماء متخانقة مع جوزها الجد يضرب كف بكف : نصحتها كتير مفيش فايدة ريم : هو لي غلطان ياجدي ده بيصهر بر كتير الجد: ماهي لو كانت عاقلة ماكنش ساب بيته وراح لاصحابه ريم : والله أسماء طيبة وأميرة الجد : وده يفيد بايه ما في كتير ستات وحشه وشرانيه بس اجوازه قاعد جنبهم ريم : أكيد خايفين ليضربوهم انفجر الجد ضاحكا : ههههه يضربوهم ههههه الجد: هي أمكم ما بتعقدش معاكم واتفهمكم تعاملو اجوازكم ازاي ريم : لا يا جدي الجد : واضح . وأخوكي عامل ايه ريم : كويس يا جدي . تفطر معايا الجد : افطر معاكي ياحبيبتي بس قوليلي الأول ازاي خطيبك علي ريم ببعض الخجل : كويس ياجدي الجد : ربنا اتمملكم عل خير __________________ في منزل كبير تعيش فيه أسرة علي خطيب ريم تجلس مهى أخته وهي فتاة طيبة تشاهد التلفاز تدخل عليها الأم الأم فريدة : صباح الخير ياحبيبتي مهى : صباح النور مامي الأم : أخوكي فين لس مصحاش مهى : لا صحي بس دخل يكلم خطيبته فريدة ببعض الغيرة من تلك التي احتلت قلب ابنها : يكلمها على الصبح كدا مش يقول ياصبح الأول ________________ في غرفة متوسطة يجلس علي على كرسي مكتبه وفي يده هاتفه واليد الأخرى تبحث على اللاب توب عل حبيبته تكلمه بعد عدة محاولات يأتيه الرد ريم : ألو علي : ايه يا حبيبتي كل ده علشان تردي خوفتيني عليكي ريم: آسفة ياحبيبي اصل لما صحيت لقيت جدي مستنيني علي : بعد الشر عليك من الأسف ريم : ربنا يخليك ليا قلقت عليا؟ علي : اه ، بقالك اد ايه بتتكلمي مع جدك ريم : يجي ساعة وبعدين فطرنا علي : يعني ساعة معقدك في حضنه وبعدين يأكلك كمان ، لا لا أنا لازم أتصرف ريم : تتصرف ازاي اعقل علي : انتي خليتي في عقل بقى طول الأجازة حاضناه ، وانا اقول اكيد نايمه وتعبانه ريم وهي تحاول كتم ضحكها : انت بتقول ايه ده جدي علي : اه ما ده الي فارسني انا مش حرتاح الا اما يتجوز ريم وقد انفجرت من الضحك على حبيبها الغيور وتفكيره التملكي لها :هههه يتجوز ده خلاص عدى السبعين سنة هههه يا مجنون أنت أنا والله بحبك و بموت فيك علي : و انتي كل حياتي أنا بعشقك ، بس كمان لازم أتصرف مش معقول اسيبه يحضن فيكي وانا بتف*ج ريم : حبيبي انت حتخرجني بكرة عالساعة كام علي : اساعة سبعة الصبح ريم : نعم علي : بالكتير ريم : لا مش معقول حرام عليك عايزه أنام ما بنمش طول الاسبوع علي : على عيني والله بس أنا عايز اعقد معاكي انا مابصدق اهلك يرضو يخرجوكي معاي انتي وحشاني اوي نفسي اخرج من الموبايل وابوسك واحضنك خجلت ريم من كلماته : الساعة عشرة كويس علي : تسعة اخر كلام ارن عليكي الاقيكي جاهزة ماشي ريم : حاضر __________________ في غرفة نوم زينب ومحمود يجلس محمود على طاولة مكتبه بيده إحدى الصحف وزينب تجلس بجانبه تحادثه زينب : والله صعبانة علي البنت أسماء هي وولادها محمود : أكيد غلطت في حاجة مش ممكن يكون هو لي غلطان لوحده زينب : غلطت في ايه بس دي طول عمرها واخدة بالها من عيالها وبيتها وحتى أهل جوزها ببشكرو فيها وف اخلاقها محمود : وجوزها ما بيشكرش فيها ليه ؟ زينب : ناكر الجميل محمود : عيب مايصحش الكلام ده وشوفي اما قولك ماتتدخليش بين الراجل ومراته هي بقت مراته وواجب عليها طاعته والشرع عظم حق الزوج عن الوالدين يعني لما تشكيلك انصحيها وقوليلها اعذار وحنني قلبها عليه . واتقي ربنا وخافي عذابه زينب: حاضر ربنا يخليك لينا ويهدي بناتك يارب محمود : هو علي حيجي بكرة امت زينب : ماعرفش محمود : هو قال لي انه عايز يقدم معاد جوازهم ايه رأيك زينب : على خيرة الله الراجل بقالو كتير مستني وبنتنا بتأجل بس لازم تاخد رأي بابا محمود : ههههه أكيد حيرفض ومش بعيد يضربنا ويبعت لعلي يضربه زينب : هههه والله ساعات بحس ان علي بغير منه وهو كمان ساعات بغيظ علي ويفضل يبوس ريم ويحضنها قدامه محمود : هههههه هههه تعرفي مقدرتش اقوله انه حيخرجها بكره هههه مش بعيد ينيمها معاه اسبوع ههههه زينب : ههههه الي يشوفه بيعاملها كده يقول انك ماخلفتش غيرها . _____________________ في بيت علي علي : صباح الخير يا ماما الأم بابتسامة : صباح النور يا حبيبي تفطر معايا علي : اه ياماما الأم : يا حبيبي الا ازاي خطيبتك عاملة ايه علي : كويس ياماما بتسلم عليكي الأم : ربنا يسلمها يارب حبيبة قلبي . وفنفسها : تتحرق بجاز أنا لازم أخلص منها بس ازاي ؟ علي : ماما سرحتي فايه الأم: لا مفيش قايمه تعال نروح نقعد على السفرة ________________ في بيت أسماء شقيقة ريم تجلس أسماء فتاة في العقد الثالث من عمرها واضعة رأسها على كفها تنظر إلى السماء من نافذة منزلها اطمأنت على طفليها وغطتهما جيدا ليناما بسلام وطمئنينة طمئنينة لم تستطع هي الحصول عليها فأين هي أحلامها ببيت دافء يملأه الحب والتفاهم أين ذلك الشاب الوسيم الذي تزوجها قبل سبع سنين أين ذهبت وعوده بحبها ومشاركتها كا لحظاتها التعيسة قبل السعيدة ؟ أين هو الآن ؟ ... ________________________ في غرفة ريم ترتب ملابسها التي ستخرج بها صباحا دق خفيف على الباب ثم تدخل الأم الأم : القمر بتعمل ايه ريم : بجهز لبسي بكرا الأم : ربنا يسعدك يابنتي كمان وكمان هو علي هيجي عاساعة كام ريم : عاساعة تسعة الأم : يجي بالسلامة . علي طلب انكم تقدمو معاد الفرح واحنا موافقين لو معندكيش مانع ريم بخجل : زي ماتحبو يا ماما الأم أخدت ريم فحضنها : ربنا يسعدك ويطمني عليكي يارب ________________________ في الصباح تستيقظ ريم على صوت هاتفها يرن ريم بنعاس شديد : مين علي : اصحي حجي اخدك ريم : نمرة غلط ، وتقفل السكة علي بضحك : يامجنونة طب والله ماعتقك ، ويكلمها تاني ريم : يوووه مين وعايز ايه متكلمنيش تاني حضربك ، وتقطع الخط علي : هههه ههههه ، ورن تاني ريم تقوم بكل تعب وتفرك عيناها علها تستيقظ ثم تجيب على الهاتف ريم بغيظ : حرام عليك يا علي من يوم ماحبيتك مانمتش خمس ساعات على بعض علي يحاول كتم ضحكاته : ياحبيبتي كفاية نوم اصحي انا هجي اخدك بعد ربع ساعة ريم : هي اساعة دلوقتي كام علي : شوفي ساعتك ريم : مش قادرة افتح عيوني علي بضحك : ايه كمية النوم اللي عندك دي اساعة داخلة على تمانية ريم : ولما هي لس مدخلتش بتصحيني ليه حرام عليك علي : هههه علشان اسمع صوتك اعمل ايه بس ، انا بصحى من النوم علشان اكلمك اليوم الي مش حكلمك فيك مش حصحى فيه حموت ريم : بعد الشر عليك يا حبيبي ربنا يخليك ليا أنا مقدرش أعيش من غيرك أنت كل حياتي علي : وأنتي عمري وحبيبتي علشانك اصحى كل يوم من النوم ومش قادر على البعد أكتر من كده ساعات بفكر أخطفك ريم بضحك : هههه تخطفني هههه فكر بس و جدي حبيبي حيضربك علي : أنا بس الي حبيبك متقوليش لحد تاني حبيبي ريم : حاضر علي : يالا ياحبيبتي قومي ألبسي علشان آجي أخدك ريم : حاضر تدخل ريم الحمام وتستحم وتغير ملابسها وتخرج لتجد أمها تضع الفطور الأم : صباح الخير يا حبيبتي تعالي افطري ريم : صباح النور ماما لا أنا حفطر برا مع علي الأم : زي ماتحبي ، يا محمود يا وائل تعالو الفطار جاهز يخرج الأب محمود من غرفته ويقبل على ريم ويقبل جبينها وعانقها بحنان الأب : ريم حبيبتي مش حتفطري خجلت ريم من الرد على والدها فهي تخجل منه أدركت الأم خجل ابنتها : لا ريم حتفطر مع خطيبها تذكر الأب أن علي أخذ إذنه في خروج ريم معه الأب بحنان وضع يده على رأسها وبدأ في حفظ الأدعية اقترب طفل صغير في الثانية عشر من عمره من والده وائل : بابا أنا كمان عايز حضن وأدعية الأب بمزاح : انت فعلا محتاج ايدك معايا يا ريم وضحك الجميع ....... ............ ،،،،،،،،