Kanina pa nakarating sina Tandre sa mansyon nito, at kanina pa nakatingin sa kanya si Ted. Paulit-ulit pa itong napakamot sa ulo. Paanong hindi ito mapakamot; kanina pa wala sa sarili si Tandre. Kanina pa nito kapa ang labi, at hindi pa tumigil sa kangingiti habang nakatingala sa malaking chandelier na nakasabit sa kisame.
Pati nga si Ted ay napatingin na rin doon. Para kasing may ibang nakikita si Mr. Tan na hindi niya nakikita. Parang baliw na nga ang boss niya. Nahawa pa siya.
"Mr. Tan, are you alright?" Ted couldn't help but ask. Pero para namang bingi si Mr. Tan na hindi siya narinig. "Mr. Tan, do you need anything? Water, wine, or sleeping pills? I'll ask Manang to bring them over," dagdag sabi pa ni Ted.
Alam nga kasi ni Ted na hirap makatulog si Mr. Tan sa gabi. Kaya madalas ay
