Kinabukasan. Sinadya nila Arwena na magpahuli ng dating. Para iwas na rin makipagplastikan sa mga kamag-anak niya. Iyon nga ang pinaka-ayaw niyang mangyari—ayaw niya na maging katulad ng pag-uugali nila.
At heto na nga sila, kararating lang sa birthday party ng mama niya ay agaw pansin agad ang presensya nila.
Nagsimula agad ang bulungan, pagpasok palang nila sa bakuran sa bahay ng mga magulang niya. Lalo nang dumaan sila sa malaking hardin kung saan naroon ang ibang mga bisita at kasalukuyang kumakain. Lahat ng tingin ng mga ito ay nasa kanilang tatlo ni Archie at Nathan na.
Paano nga bang hindi maagaw ang pansin ng mga taong naroon, bukod sa taglay na ganda ni Arwena, lalong pang tumingkad ang ganda nito dahil sa suot na white off-shoulder long sleeve lace midi dress. Her simple yet e
