Natiim na lang ni Arwena ang labi habang nakatingin sa kaibigan na ngayon ay nagpalipat-lipat ang tingin sa kanilang dalawa ni Mr. Tan.
Mabuti na lang at parang walang narinig ang doktor at ang nurse, agad nilang inaasikaso si Nathan. Nagsagawa ng check-up sa bata, at nang masiguro na walang nakikitang komplikasyon o kakaiba sa kilos at kondisyon ng katawan ng bata ay saka lang hinarap si Arwena at Archie.
“Kumusta na po ang an... si Nathan, dok?" tanong ni Archie.
Pero nag-aalangan namang tawagin na Anak si Nathan, dahil sa presensya ni Mr. Tan. Nahihiya siyang tawagin na Anak si Nathan gayong nandito ang tunay na ama ng bata.
Ngayon lang naiintindihan ni Archie ang kaibigan, kung bakit ayaw nitong sabihin kay Mr. Tan ang tungkol kay Nathan. Komplikado! Ang gulo-gulo ng mga nangya
