Sabay tumiim ang mga mata at labi ni Arwena nang dahan-dahang inilipat ni Mr. Tan ang mukha nito sa kanya. Napigil din ni Arwena ang hininga niya habang hinihintay ang paglapat ng labi ni Mr. Tan sa kanya. Pati ang mga daliri sa kamay at paa niya ay kumuyom.
Pero umabot na yata ng dalawang minuto ay hindi pa rin naglapat ang mga labi nila. Kaya napilita siyang ang mga mata. At tumambad nga sa kanya ang nakangiting si Mr. Tan. Ngiting-ngiti na parang ang saya-saya sa naging reaksyon niya.
“Sira ka ba? Umalis ka nga sa harap ko!" nahihiyang sabi ni Arwena, at nag-iwas ng tingin kay Mr. Tan. Hindi lang kasi simpleng hiya ang nararamdaman niya. Hiyang-hiya sa puntong parang nalulusaw siya. Nag-assume kasi siya na hahalikan siya ni Mr. Tan; hindi naman pala.
“Ngayon ay tinutulak mo na ako
