EIDE
“I see.” Tumango-tango na lang ako habang kinukumbinsi ang sarili ko na okay lang ako.
Mapait akong ngumiti para ikubli ang emosyon na bumalot sa sistema ko. Tumikhim ako para alisin ang tila bumara sa lalamunan ko. Pero kahit ilang beses akong lumunok, hindi pa rin nawawala ang bara rito. Pakiramdam ko, lalo lang akong nahihirapan lumunok.
“M-maliligo na ako.” Natigilan ako. Gumagaralgal ang boses ko. Hindi rin maiwasan mangatal ng labi ko. Bakit ko ito nararamdaman?
Tumalikod na ako sa kanya. Kumunot ang noo ko dahil napansin kong mahapdi ang mga mata ko. Nang kumurap ako, may dumaloy na likido sa pisngi ko.
Pagdating sa banyo, kaagad akong tumingin sa salamin. Ang buong akala ko, galing ito sa basa kong buhok, pero laking surpresa ko dahil namumula ang mga mata ko. Saka ko
